San Lucas 6:49 - Nuevo Testamento Tzeltal de Amatenango

⁴⁹ Yan te machꞌa ya yaꞌibon sluwar te jkꞌope, teme makꞌ spas te tut ya kale, jaꞌ pajal kꞌoem sok tutꞌil jtul winik te ta ba lum nax a spas te snae te maꞌyuk yipajibe. Kꞌalal tal te nojel jaꞌe, xwilawet kꞌaxel teꞌa te ba spasoj te snae. Butkꞌej yuꞌun, jmel a jim ta nae —xchi te Jesuse.

Bible in Tzeltal Bachajón

⁴⁹ Yan te mach'a la ya'iybon jc'op pero teme ma ba la spas, ha pajal soc te winic te la scajan hahchel ta ba lum te snahe, mayuc yich'o-ip. Tulan hul ta tahel yu'un snojel ha', ora buch yu'un, jc'axel jihn te nahe, xchi.

Bible in Tzeltal de Oxchuc y Tenejapa

⁴⁹ Yan te mach'a ya yaiybon stojol te jc'ope, teme ma ba ya spas te bila ya cale, jich c'oem te bit'il jtul winic te sba lum nax la snajc'an te snae, te ma la yac'bey yiptajibe. C'alal tal snojel te ja'e, mal c'axel tey a ta bay loq'uem te snae. Bot'q'uej yu'un. Jc'axel jin te snae —xi' te Jesuse.

San Lucas 6:49 ပူးပေါင်းရင်းမြစ်များ

San Mateo 23:3

Jaꞌ yuꞌun chꞌuunaik spasel te tut ya yalbeyexe, pero ma me akꞌayinik spasel te tut ya spasik stukelike. Yuꞌun te tut ya yakꞌik ta nopele ma xchꞌuunik spasel stukelik.

San Mateo 24:10

Ay me bayal ta jtul ya xchꞌay xchꞌuunel yoꞌtanik yuꞌun. Sok ya me xlijk spꞌaj sbaik, sok talel bael me xlijk yakꞌ sbaik ta kꞌabal.

San Marcos 4:17

Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skaj te skꞌop Diose, ora ya xchꞌay te xchꞌuunel yoꞌtanik yuꞌun.

San Lucas 12:47

Jich te jꞌaꞌtele te snaꞌoj te tut ya skꞌan yoꞌtan te yajwale pero ma chapaluk ni ma xchꞌuun, ya me xꞌaꞌbot stoj ta majel.

San Lucas 19:14

“Pero te genteetik yuꞌun te slumale lom pꞌajbil yuꞌun. Te kꞌalal baemix aye, ta spat nax a stikonik bael jmantaletik te ba yalike: “Ma jkꞌantik te ya yichꞌ yaꞌtel ta reyil ta jtojoltik te winik to”, xchiik.

San Lucas 19:27

Yan te machꞌatik skontrainejone te ma skꞌanik te ya xꞌochon ta reyil ta stojolike, ikꞌbikon tal liꞌ to, y milaik ya kil ta jsit”, xchi te reye —xchi ta yalel te Jesuse.

San Lucas 6:46

¿Tuꞌun te “Kajwal, Kajwal”, ya awutikone y makꞌ ya apasik te tut ya kalbeyexe?

San Lucas 6:48

Jich kꞌoem te tutꞌil jtul winik te la spas snae. Toyol a sjokꞌbe koel te xchꞌenale, jaꞌ to te la sta te limlim tone. Teꞌ stsꞌun tal moel a te yipajib snae. Kꞌalal tal te nojel jaꞌe, te xwilawet kꞌaxel a te ba snae, ma nijk yuꞌun, yuꞌun ipajem lek sok te limlim tone.

San Lucas 7:1

Te kꞌalal laj yoꞌtan ta skꞌoponel te genteetike, bajt ta jtejklum Capernaum te Jesuse.

San Juan 15:2

Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

Hechos 20:29

Ya jnaꞌ te kꞌalal boemonix ae, ya xtal yan jich tutꞌil tiꞌawal teꞌtikil tsꞌiꞌ te ya xlijk yilbajin jichuk karnera te hermanoetik te ma xpichꞌuk yoꞌtane.

Hechos 26:11

Bayal buelta a kilbajinlan yuꞌun jaꞌ ya jkꞌan te puersa ya xchꞌoj jilel te tut xchꞌuunej yoꞌtanike, y jicha jpasulan ta spisil sinagogaetik. Skaj te lijkem bayal slaꞌ-koꞌtan yuꞌunik, jicha ba kilbajinlan ta yanetik jtejklum.

1 Tesalonicenses 3:5

Jaꞌ yuꞌun, kꞌalal ma stsijk kuꞌun ta mas aye, la jtikon ta jojkꞌoyel tutꞌil ayex sok te tutꞌil ay te xchꞌuunel awoꞌtanike. Jaꞌ la jnaꞌ teme la achꞌuunik sujel yuꞌun te pukuje, sok te jowiluk nax ya xkꞌot te kaꞌteltike.

2 Pedro 2:20

Yuꞌun te machꞌatik la snaꞌbeyix sba te Kajwaltik Jesucristo te jKoltawanej kuꞌuntike, y kolikix tal lokꞌel te ba ay te tut ma lekuk ta skuenta te balmilale, y teme la yakꞌ sbaik xan ta tsalel yuꞌun te tutik a jilix yuꞌun te nail toe, y teme ya stsalot xan yuꞌune, mas pewor ya sujt ke te nail toe.

1 Juan 2:19

Te stukelike lokꞌik tal ta koliltik. Pero yuꞌun nanix ma joytikuk a. Te yuꞌunuk joytikuke, maꞌ lokꞌ bael ta koliltik te jichuke. Pero jicha kꞌot ta pasel yuꞌun te ya xchiknaj ta jamal a te ma joy jbajtikuke.