San Lucas 6:38 - Nuevo Testamento Tzeltal de Amatenango

³⁸ Aꞌbeyaik te tut maꞌyuk yuꞌun te yane. Jich me ya yaꞌbeyex euk te Diose te lek pꞌisbil, te lek tembil ta nojesel, te yukꞌilanbil, kꞌeba nax me koel te ba yawile. Te Diose jich me ya spꞌisbeyex ta mismo pꞌisil te tut ya apꞌisike —xchi te Jesuse.

Bible in Tzeltal Bachajón

³⁸ A'beyahic, hich me ya x'a'botex: lec sp'isojbil, tembil, yuq'uilambil soc buen t'ocol yac awich'ic. Como te hich smuc'ul yac ap'is, hich nix yac awich' p'isbeyel, xchi.

Bible in Tzeltal de Oxchuc y Tenejapa

³⁸ Ac'beyaic te bila ma'yuc yu'un te yantique, jich me ya yac'beyex uuc te Diose: Lec p'isbil, tenbil ta nojesel ta lec, yuq'uilbil, xt'oquet nax me te ya scojc'an coel ta yawile. Te jich yipal ya ap'isbeyic te yantique, jich nix yipal ya sp'isbeyex uuc te Diose —xi' te Jesuse.

San Lucas 6:38 ပူးပေါင်းရင်းမြစ်များ

San Mateo 10:42

Sok te machꞌa ya yaꞌbey junuk tasa sikil jaꞌ te machꞌatik chꞌin yakꞌoj sbaik skaj te jnopojel kuꞌune, jamal ya kalbeyex, ay me smajtan ya yichꞌ —xchi te Jesuse.

San Mateo 7:2

Jich te tutꞌil ya atabeyik ta alel yaꞌtel te yane, jaꞌ me jich ya stabeyex ta alel awaꞌtelik euk. Te jich yipal ya atabeyik ta alel yaꞌtel te yane, jich me yipal ya stabeyex ta alel awaꞌtelik euk te Diose.

San Marcos 4:24

Sok la yalbe xan: —Akꞌa me ta awoꞌtanik te tut yipalex ta yaꞌiyele. Mismo te spꞌisil te tut ya apꞌisik ae, mismo jachik ya spꞌisbeyex ekꞌa te Diose, y ya me yaꞌbeyex ta mas to xan a.

San Lucas 6:30

Machꞌauk a teme ay tut ya skꞌanbeyexe, aꞌbeyaik. Sok teme ay machꞌa ya spojbeyex te tut ay awuꞌunike, ma me akꞌambeyik sujtel.

Santiago 2:13

Yuꞌun te machꞌatik te maꞌyuk slekil yoꞌtan yuꞌun te yanetike, jich me maꞌyuk slekil-oꞌtanil yuꞌun Dios ya xꞌichꞌot jkuenta euk. Yan te machꞌatik ay slekil yoꞌtane, lek me ya xlaj lokꞌ kꞌoel te tut ora ya xꞌichꞌot jkuentae.