San Lucas 6:34 - Nuevo Testamento Tzeltal de Amatenango

³⁴ Sok teme jaꞌ nax ay tut ya awaꞌbeyik smajan te machꞌatik ay tut ya yaꞌbeyat ta majanele, ¿machꞌa ya yalbeyex lek akꞌoplalik yuꞌun? Jich te machꞌatik ma snaꞌbeyik sba te Diose jich ya smajanbe sbaik euk te tut ay yuꞌunike, yuꞌun ya snaꞌ te tsꞌakal ya sujtesbot sjelol yuꞌune.

Bible in Tzeltal Bachajón

³⁴ Soc teme ay bin yac awa'be smajan te mach'atic ya sutbeyex, ¿bin awutsilal yac atahic a? Hich nix ya smajambe sbahic te jmulawiletic, scuenta yu'un hich nix pajal ya sutbe sbahic a.

Bible in Tzeltal de Oxchuc y Tenejapa

³⁴ Soc teme ja' nax ay bila ya awac'beyic smajan te mach'atic ay bila ya yac'bat ta majanele, ¿mach'a ya yalbeyex lec ac'oplalic yu'un? Melel te jyanlumetique, jich ya yac'bey sbaic ta majanel uuc te bila ay yu'unique, yu'un ya sna' te ts'acal ya sujt'esbot sjelol yu'une.

San Lucas 6:34 ပူးပေါင်းရင်းမြစ်များ

San Mateo 5:42

Teme ay machꞌa ay tut ya skꞌanbeyate, aꞌbeya, sok ma me amak ta kꞌop te machꞌa ay tut ya skꞌan smajanbeyate.

San Lucas 6:33

Teme jaꞌ nax ay tut lek ya apasbeyik te machꞌatik tut lek ya spasbeyexe, ¿machꞌa ya yalbeyex lek akꞌoplalik yuꞌun? Asta te machꞌatik ma snaꞌbeyik sba te Diose jich ya spasbe sbaik euk.

San Lucas 6:35

Yan te jaꞌexe kꞌux me xꞌawaꞌiyik ta awoꞌtanik te machꞌatik ya skontrainexe. Pasbeyaik te tut leke, sok aꞌbeyaik smajan te tut ay awuꞌunike. Ma me akꞌambeyik sjelol. Jich me bayal amajtanik ya awichꞌik yuꞌun, sok yal-xnichꞌanex ya xkꞌoex te Chꞌul Dios te ay ta chꞌulchane. Porke Dios kꞌux ta yoꞌtan te machꞌatik ma snaꞌik yalel kola yale sok te machꞌatik ma tsaꞌamuk yoꞌtanike.