San Lucas 6:20 - Nuevo Testamento Tzeltal de Amatenango

²⁰ Te Jesuse la skꞌeluy te jnopojeletik yuꞌune, jich a yaltalanbe: —Ben me tsaꞌam alekilik jaꞌex te meꞌbaꞌexe, porke jaꞌ ajwalilix awuꞌunik te Diose.

Bible in Tzeltal Bachajón

²⁰ Jesús la shach sit, la yil bahel te jnopojeletic yu'un, hich la yal: Bayel me awutsilic ha'ex te pobrehex, como ha awu'unic te cuentahinel yu'un Dios.

Bible in Tzeltal de Oxchuc y Tenejapa

²⁰ Te Jesús la yilbey sit te jnopojeletic yu'une, jich la yal: —Bin nax me awutsilic ja'ex te me'baexe, te melel ya me x'ochex tey a ta banti ay ta ajwalinel te Diose.

San Lucas 6:20 ပူးပေါင်းရင်းမြစ်များ

San Mateo 11:5

Albeyaik te yipal ta jamel sit te choketike sok te yipal ta lekubel te koxoetike, sok yipal ta lekubel stiꞌbalulik te kꞌaꞌel-chameletike, sok yipal ta jamel xchikin te machꞌatik ma xyaꞌiy kꞌope, sok yipal ta chaꞌkuxel te machꞌatik chamenikixe, sok yipalix ta albeyel sluwaril te meꞌbaꞌetik te tutꞌil ayix skolelike.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Mateo 5:1

Te Jesuse la yil te bayal te genteetike. Mo bael ta wits, teꞌ kꞌo snajkan sba a. Jich te jnopojeletik yuꞌune tijilajik tal ta stojol.

San Lucas 12:32

“Ma me xiꞌanik, karneraetik kuꞌun, jaꞌex te ma bayalukexe. Te Jtatike ben jun yoꞌtan ya yakꞌex teꞌa te ba ya xmantaleje.

San Lucas 13:28

Teꞌ me ya awokꞌetay abaik a, y teꞌ me ya akꞌuxilan aweik a te tutꞌil ya awilik te jꞌAbrahame te jꞌIsaake, te Jacobe sok spisil te antibo jꞌalwanejetik te teꞌ ayik te ba ay ta ajwalil te Diose. Yan te jaꞌexe chꞌojbilex lokꞌel ta jwera.

San Lucas 14:15

Ay jtul te machꞌa nakal sok ta mexa te Jesuse te kꞌalal la yaꞌi te tut la yale, jich a yalbe: —Ben tsaꞌam slekil te machꞌa ya xꞌikꞌot ta weꞌel te ba ay ta ajwalil te Diose —xchi.

San Lucas 16:25

“Pero te Abrahame la sjakꞌbe: Jnichꞌan, naꞌa me te lek a kꞌaxat tal ta balmilale. Yan te jLazaroe lom oꞌol sba a kꞌax ta balmilal stukel. Te ora to maꞌyukix ta wokol liye. Yan te jaꞌate ayatix ta kastigo.

San Lucas 4:18

“Te Espíritu yuꞌun te Kajwaltike julix ta jtojol, yuꞌun tsabilon ta yalel te lek achꞌ kꞌop ta stojol te meꞌbaꞌetike. Tikonbilon tal ta skoltayel te machꞌatik ay swokolik ta ajtal-oꞌtane. Sok tikonbilon tal yuꞌun tal kalbey tutꞌil ya xkolik ta libre te machꞌatik ayik ta prexoe, sok te ya jambe sitik te choketike, sok ya jkoltay te machꞌatik mosoimbile,

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

2 Corintios 6:10

Ay lom tristeotik, pero sil tiempo kontento ayotik. Ay lom meꞌbaotik, pero ay bayal kꞌulejiben kuꞌuntik. Jich yilel te maꞌyuk tut ay kuꞌuntike, pero ay kuꞌuntik spisil.

2 Corintios 8:2

Aunke lom bayal swokolik yuꞌun ilel yoꞌtanik, pero kaꞌxikix a ben junix yoꞌtanik. Y manchuk me ben meꞌbaꞌik. Pero bayal a stsobik te koltayele, jich kꞌoem te lom jkꞌulejike.

2 Corintios 8:9

Porke ya anaꞌikix te jaꞌexe, te Kajwaltik Jesucristoe ta slekil yoꞌtan, aunke kꞌulej stukel, la yakꞌ sba ta meꞌbaꞌ ta akajik te jaꞌexe. Yuꞌun te tutꞌil meꞌbaꞌ a yakꞌ sbae, jaꞌex akulejibex a.

1 Tesalonicenses 1:6

Te jaꞌexe jaꞌ la anopik te tutꞌil ayotike y sok te tutꞌil ay te Kajwaltike. Y la awichꞌik ta jkuenta te skꞌop Diose sok te sbujtsꞌ awoꞌtanik te la yaꞌbeyex te Chꞌul Espiritue, aunke la ataik bayal awokolik ta ilbajinel yuꞌun.

2 Tesalonicenses 1:5

Jaꞌ to jaꞌ ya yakꞌ ta naꞌel a te toj ya xchapawan te Diose, yuꞌun te jaꞌexe ay awochelik a te ya xꞌochex te ba ay ta ajwalinele. Jaꞌ sluwar te ay awokolike.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

Santiago 2:5

Kermanotak, te kꞌuxex ta koꞌtane, aꞌiya awaꞌiyik to: Te Dios la stsa te machꞌatik meꞌbaik liꞌ ba balmilale, yuꞌun jaꞌ me skꞌulejalik ya xkꞌot te xchꞌuunejik Diose sok te ya xba yichꞌik smajtanik te ba ay ta ajwalinel te Diose, te stukel yaloj ta skuenta te machꞌatik lek skꞌanojik te Diose.

Apocalipsis 2:9

“Joꞌon jnaꞌoj te awokol sok te ameꞌbaale. Pero te jaꞌate jkꞌulejat. Y jnaꞌoj te ma lekuk akꞌoplal ya yalbelat yuꞌun te machꞌatik ya yalik te juriyoike pero ma jaꞌuklan. Jaꞌik jtijkꞌ yuꞌun Satanas.