San Lucas 6:12 - Nuevo Testamento Tzeltal de Amatenango

¹² Jaꞌ skꞌaalel a te ba skꞌopon Dios ta wits te Jesuse; spꞌejel ajkꞌubal la skꞌopon Dios teꞌa.

Bible in Tzeltal Bachajón

¹² Ta hich ora baht ta wits ta sc'oponel Dios te Jesús, sjunal ahc'abal la sc'opon Dios tey a.

Bible in Tzeltal de Oxchuc y Tenejapa

¹² Jich sc'aalelal te ba sc'opon Dios ta wits te Jesús. Sjunal ajc'ubal la sc'opon Dios tey a.

San Lucas 6:12 ပူးပေါင်းရင်းမြစ်များ

San Mateo 5:1

Te Jesuse la yil te bayal te genteetike. Mo bael ta wits, teꞌ kꞌo snajkan sba a. Jich te jnopojeletik yuꞌune tijilajik tal ta stojol.

San Mateo 6:6

Yan te kꞌalal ya akꞌoponik te Dios te jaꞌexe, ochan ta yut na, tsꞌusa te puertae. Teꞌ xꞌakꞌoponik a te jTatike te soyinejex stukele. Jich te jTatike ya yil te tutꞌil mukul nax ya apasike ya me yaꞌbeyex amajtanik.

San Marcos 1:35

Ben sab, ijkꞌ to kꞌinal a, jajch te Jesuse y lokꞌ bael te ta jtejklum, yuꞌun ba skꞌopon Dios ta jun jochol kꞌinal.

San Marcos 3:13

Patil mo bael ta wits te Jesuse, y la yikꞌ tal te machꞌa la stꞌuje. Jich a talik ta skuenta.

San Marcos 6:46

Te kꞌalal laj yoꞌtan ta skꞌoponel te genteetike, te Jesuse ba skꞌopon jTatik Dios ta wits.

San Lucas 5:16

Pero te Jesuse la spit sba bael ta skꞌoponel Dios te ba jochol te luware.

San Lucas 6:11

Te machꞌatik teꞌey ae beno laj ilinik yuꞌun. Lijk sjojkꞌobe sbaik te tut ya yutik te Jesuse.

San Lucas 6:17

Te Jesuse kojtal te ba wits sok te jnopojeletik yuꞌune, tekꞌel julel ta slomle. Teꞌ stsoboj sbaik bayal a te machꞌatik tsꞌaklibil yuꞌune, sok bayal genteetik te talemik ta estado yuꞌun Judea, sok ta Jerusalen, sok ta jtejklum Tiro sok ta jtejklum Sidon te ayik ta tiꞌmare. Yuꞌun tal yaꞌibeyik sluwaril skꞌop te Jesuse sok tal yakꞌ ta lekutesel te xchamelike.

San Lucas 9:18

Ay jun kaal te Jesuse ba skꞌopon Dios ta stukel nax. Sjoyinej te jnopojeletik yuꞌune. La sjojkꞌolambe: —¿Tut ya yal ya awaꞌiy te genteetike? ¿Machꞌa ya skuyikon a? —xchi.

San Lucas 9:28

Ayix wan waxkeꞌ kꞌaal a te jich a yal te Jesuse, mo bael ta wits yuꞌun ba skꞌopon Dios teꞌa. La yikꞌ bael te jPedroe, te Jacoboe, sok te Juane.

San Lucas 9:29

Yipal ta skꞌoponel Dios a te Jesuse yanej te site. Te skꞌuꞌ-spakꞌe xlemet bael te sakile.

San Juan 6:3

Jich te Jesuse mo bael ta jun wits y teꞌ kꞌo snajkan sba sok a te jnopojeletik yuꞌune.

Colosenses 4:2

Ma me xꞌakom abaik ta skꞌoponel te Diose. Siluk me tiempo kuxul awoꞌtanik sok albeyaik kola yal te Diose.

Hebreos 5:7

Te kꞌalal ay to ta balmilal a te Cristoe, tulan a kꞌopoj y bayal a okꞌ ta skꞌoponel y ta yalulanbeyel te Diose, te yauk xjuꞌ ya xkoltayot ta spoder yuꞌun te lajele. Y te tutꞌil xchꞌuunej mantale, Dios a aibot yuꞌun.