San Lucas 5:30 - Nuevo Testamento Tzeltal de Amatenango

³⁰ Pero te fariseoetike sok te maestroetik yuꞌun te mantaliletike lijk yaꞌabiyanik te jnopojeletik yuꞌun te Jesuse. Jich a yalbeyik: —¿Tuꞌun te ya ajoyinik ta weꞌel-uchꞌajel te jkꞌan-tojemaletike sok te jmulawiletike? —xchiik.

Bible in Tzeltal Bachajón

³⁰ Te escribanohetic soc fariseohetic la stijic ta c'op te jnopojeletic yu'une: ¿Bin yu'un yac ajoquinic ta we'el uch'el te jc'an-patanetic soc jmulawiletic? la yutic.

Bible in Tzeltal de Oxchuc y Tenejapa

³⁰ Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

San Lucas 5:30 ပူးပေါင်းရင်းမြစ်များ

San Mateo 5:46

Jich te jaꞌexe, teme jip nax kꞌux ya awaꞌiyik te machꞌa kꞌux ya yilexe, ¿tut ya ataik tsꞌin a? Asta te jkꞌan-tojemaletik yuꞌun Roma jich ya spasbe sbaik euk.

San Mateo 9:11

Te kꞌalal la yilik te fariseoetike te jich yipal ta spasele, la sjojkꞌobe te jnopojeletik yuꞌune: —¿Tuꞌun te ya sjoyin ta weꞌel te jkꞌan-tojemaletik sok te jmulawiletik te maestro awuꞌunike? —xchiik.

San Marcos 2:16

Te maestroetik yuꞌun te mantaliletike te ayik ta skuenta te fariseoetike la yilik te yipal ta weꞌel sok te jkꞌan-tojemaletike y sok te jmulawiletike te Jesuse. La sjokꞌobey te jnopojeletike: —¿Tutꞌil ay te maestro awuꞌunike te ya sjoyin ta weꞌel te jkꞌan-tojemaletike sok te jmulawiletike? —xchiik.

San Marcos 7:3

Jich spisil te judioetik xchꞌuunejik spasel te kostumbre te lijkem ta pasel yuꞌun te antiboetike, te ma xweꞌik teme ma nailuk ya spok skꞌabik te tutꞌil albil skꞌoplale. Jaꞌ bayal skꞌoplal ta pasel ta skꞌopik te fariseoetike.

San Marcos 9:16

Te Jesuse la sjojkꞌobe: —¿Tut a te ya awalbe abaik soke? —xchi.

San Lucas 18:11

Te fariseoe tekꞌel a skꞌopon te Diose. Jich a yal ta skꞌoponel te Diose: “Dios kuꞌun, ya kalbeyat kola awal te ma pajalukon sok te yan genteetike, te kꞌayemik ta elekꞌe, sok te ma tsaꞌamuk yoꞌtanike, sok te kꞌayemik ta antsiwejele. Sok ma jichukon te tutꞌil te jkꞌan-tojemal to.

San Lucas 19:7

Kꞌalal la yilik, spisil te genteetike lijk yikꞌtinik te Jesuse. Jich ya yalik: —¿Tuꞌun te ba ochuk ta sna te jmulawile? —xchiik.

San Lucas 5:17

Jun kꞌaal te Jesuse yipal ta pꞌijuteswane, teꞌ nakajtik ekꞌa te fariseoetike sok te maestroetik yuꞌun te mantaliletike. Teꞌ talemik ta jtejklumetik ta estado Galilea, sok ta estado Judea, sok ta jtejklum Jerusalen. Te spoder te Diose ya xchiknaj ta skuenta te Jesuse te ya slekutes te jchameletike.

San Lucas 5:21

Jich te maestroetik yuꞌun te mantaliletike sok te fariseoetike lijk yal ta yoꞌtanik: “¿Machꞌa me winikil to te yipal ta xkꞌaxintayel te skꞌop te Diose? Jaꞌ nax stukel te Dios te ya spas perdon yuꞌun te mulile”, xchiik.

San Lucas 7:34

Patil a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌae, sok te ya sjoyin jmulawiletik sok jkꞌan-tojemaletik.

San Lucas 7:39

Te fariseoe te ikꞌawan ta weꞌele la yil te tuti spas te antse. Jich a yal ta yoꞌtan: “Te jaꞌuk jꞌalwanej yuꞌun Dios te winik to, ya snaꞌ te jichuke te tutꞌil jmulawil-ants te tal pikbek yok yuꞌune”, xchi ta yoꞌtan.

Hechos 23:9

Jich xchꞌeetik ta kꞌop spisilik. Ay maestroetik yuꞌun te mantaliletik te ayik ta fariseoile laj tejkꞌaj jajchel y la yalik: —Te winik to maꞌyuk tut ma tsaꞌamuk spasoj. Ma jnaꞌtik teme ay a kꞌoponotix yuꞌun te espiritue o jaꞌ te ángele —xchiik.