San Lucas 5:29 - Nuevo Testamento Tzeltal de Amatenango

²⁹ Patil la spas mukꞌul kꞌin ta skuenta te Jesuse. Jich a yikꞌ tal ta weꞌel ta sna bayal jkꞌan-tojemaletik sok yan genteetik te pajal nakajtik ta mesa sok te Jesuse.

Bible in Tzeltal Bachajón

²⁹ Te Leví la spasbe bayel lequil we'el ta sna, soc joquimbil yu'un bayel jc'an-patanetic soc yantic te ayic ta mesa soque.

Bible in Tzeltal de Oxchuc y Tenejapa

²⁹ Patil te Leví la spas q'uin ta swenta Jesús. Jich la yic' tel ta we'el ta sna tsobol jc'an-patanetic soc yantic te pajal nacal ta mesa soc te Jesuse.

San Lucas 5:29 ပူးပေါင်းရင်းမြစ်များ

San Mateo 11:19

Teꞌ nax a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌa, sok te ya sjoyin jmulawiletik sok jkꞌan-tojemaletik. Yan te spꞌijil yoꞌtan te Diose jaꞌ ya xchiknaj ta skuenta te tut ya yakꞌ kꞌotuk ta pasele —xchi te Jesuse.

San Mateo 5:46

Jich te jaꞌexe, teme jip nax kꞌux ya awaꞌiyik te machꞌa kꞌux ya yilexe, ¿tut ya ataik tsꞌin a? Asta te jkꞌan-tojemaletik yuꞌun Roma jich ya spasbe sbaik euk.

San Mateo 9:10

Te kꞌalal yipal ta weꞌel ta na te Jesuse sok te jnopojeletik yuꞌune, ay bayal te jkꞌan-tojemaltik sok jmulawiletik tal sjoyinik ta weꞌel te Jesuse sok te jnopojeletik yuꞌune.

San Mateo 9:9

Te Jesuse lokꞌ bael te ba jtejklume. Teꞌ kꞌo yil jtul winik a te jMateo sbiile. Teꞌ nakal te ba ya xtojot stojemal te tutike. Te Jesuse la skꞌopon: —Laꞌ, tsꞌakliyaon —xyut. Jajch bael te jMateoe. La sjoyin bael.

San Marcos 2:15

Jich te Jesuse yipal ta weꞌel ta sna Levi. La sjoyin ta weꞌel bayal jkꞌan-tojemaletik sok yan gente mulawiletik, y teꞌ nakajtik ekꞌa ba mexae. Sok teꞌ ayik ekꞌa te jnopojeletik yuꞌun te Jesuse, yuꞌun ben bayal te machꞌatik la stsꞌakliyik baele.

San Lucas 15:1

Spisil a stsob sbaik tal te jkꞌan tojemaletike sok te yan gente jmulawiletike, tijilajik tal te ba ay te Jesuse, yuꞌun tal yaꞌiybeyik sluwar te skꞌope.

San Juan 12:2

Teꞌ xchapik weꞌelil a yuꞌun ya sjoyin sbaik sok ta weꞌel te Jesuse. Te xMartae jaꞌa makꞌlinwan. Jich euk te jLazaroe la sjoyin ta weꞌel ta mexa te Jesuse sok te sjoꞌtake.

1 Corintios 10:27

Teme ay jtul te ma xchꞌuunejuk Dios teme ya yikꞌex ta weꞌele y teme ya akꞌan xbaexe, weꞌaik spisil te tut ya skꞌaesbeyex tale. Ma me ajojkꞌoyik ba tal te tiꞌbale, skuenta jun awoꞌtanik a.