San Lucas 5:26 - Nuevo Testamento Tzeltal de Amatenango

²⁶ Spisil te genteetike lom cham a yaꞌiyik. La yalbeyik kola yal Dios yuꞌun, y xiꞌik yuꞌun. Jich a yalik: —Ora to la kiltik te tut ben tulan a kꞌot ta pasele —xchiik.

Bible in Tzeltal Bachajón

²⁶ Xcham yo'tan spisilic yu'un soc la yalbeyic bayel yutsilal Dios yu'un. Noj xiwel ta yo'tanic, hich la yalic: Yo'tic la jquiltiquix yutsil a'teliletic, xchihic.

Bible in Tzeltal de Oxchuc y Tenejapa

²⁶ Ta spisilic jchajp nax la yilic. La yalbeyic wocol Dios yu'un, soc xiw yo'tanic yu'un. Jich la yalic: —Yan sba ya quiltic ta ora to te bila c'ot ta pasele —xiic.

San Lucas 5:26 ပူးပေါင်းရင်းမြစ်များ

San Mateo 12:23

Spisil te genteetike cham a yaꞌiyik. Jich a lijk yalik: —¿Me jaꞌ wan te stsꞌumbal jDavid te ya jmalitike? —xchiik.

San Mateo 28:8

Jich te antstike la sjilesik te ba mukule, bajtik ta ora. Ben jun yoꞌtanik yuꞌun, aunke ya xiꞌik chꞌinuk te tuti altalanbote. Xyalajan kꞌoel ta yalbeyel te jnopojeletike.

San Mateo 9:8

Kꞌalal la yilik te genteetike, xchiik yuꞌun. Lijk yalbeyik kola yal Dios yuꞌun te tutꞌil ay spoder aꞌbilik yuꞌun te genteetike.

San Marcos 2:12

Jich a jajch te machꞌa ay ta chamele. La xach bael te swayibe. Lokꞌ bael te ba tsobolike. Kꞌelajtik jilel sitik ta spisilik. Bayal aꞌabiyan yoꞌtanik yuꞌun, sok la yalbeyik kola yal Dios yuꞌun. La yalike: —Maꞌyuk ba kilojtik tutꞌil to —xchiik.

San Lucas 1:65

Spisil te sbersinatake aꞌabiyan yoꞌtanik yuꞌun. Pujk skꞌoplal ta spisil witstikil ta estado Judea te tutꞌil jicha kꞌot ta pasele.

San Lucas 5:8

Kꞌalal la yil te Simon Pedro te jicha kꞌot ta pasel, la skejan sba ta stojol te Jesuse. Jich a yal: —Kajwal, ma spas ya joyinat, yuꞌun jmulawilon —xchi.

San Lucas 7:16

Te kꞌalal la yilik te genteetike, spisilik a xiꞌik yuꞌun, y lijk yalbeyik kola yal Dios yuꞌun. La yalik: —Batsꞌi mukꞌ jꞌalwanej te chikanix ta koliltike —xchiik. Sok la yalik: —Dios a tal skoltayix te jtejklum yuꞌune —xchiik.

San Lucas 8:37

Spisil te genteetik te ayik ta slum Gadarae lijk skꞌambeyik pawor te Jesuse te yauk xlokꞌ bael te ba slumike, yuꞌun ben xlaj xiꞌ yuꞌun. Jicha och xan ta barko te Jesuse, sujt bael teꞌa te ba lijk tale.

Hechos 4:21

Te jꞌuꞌeletike tulan a yalbeyik, y la skolesik bael. Yuꞌun ma stabeyik te tut ya yaꞌbeyik kastigo yuꞌune. Porke spisil te gentee ya yalbeyik kola yal Dios yuꞌun te tut kꞌoem ta pasele.

Gálatas 1:24

Y la yalbeyik kola yal Dios yuꞌun ta jtojol.