San Lucas 5:14 - Nuevo Testamento Tzeltal de Amatenango

¹⁴ Te Jesuse la yalbe bael: —Ma me ayuk machꞌa xꞌawalbe yaꞌi. Uniko baan, ban akꞌa aba ta ilel yuꞌun te saserdotee. Sok aꞌbeya smajtan Dios jich tutꞌil yaloj te jMoisese te tutꞌil lekubatixe. Jich me ya snaꞌbe sluwar te genteetik te lekubix te achamele —xchi te Jesuse.

Bible in Tzeltal Bachajón

¹⁴ Te Jesús la spas ta mandar te manchuc ayuc mach'a ya yalbe. Hich la yalbe: Bahan, ac'a aba ta ilel yu'un te sacerdote soc a'beya smahtan Dios yu'un te lecubatix, hich te bin ut'il yaloj mandar te Moisés, scuenta testigo ta stojolic, xchi.

Bible in Tzeltal de Oxchuc y Tenejapa

¹⁴ Jesús la spas ta mandal te ma me mach'a ya yalbey yaiy. Soc albot xan te winique: —Ja'uc me to, baan, ac'a aba ta ilel ta stojol te sacerdoteetic te bit'il lecubatixe. Soc ac'beya smajt'an te Diose, jich te bit'il yaloj mandal te Moisese. Jich me ya sna'ic stojol te bit'il ch'ayemix te achamele —xi' te Jesuse.

San Lucas 5:14 ပူးပေါင်းရင်းမြစ်များ

San Mateo 10:18

sok ya me yikꞌelex bael ta stojol juꞌeletik sok ta sit gobierno ta skaj te achꞌuunejikone. Jich me testigo ya xkꞌoex kuꞌun te stojolik sok ta stojol te machꞌa ma snaꞌbeyik sba te Diose.

San Mateo 12:16

Sok la yalbe mantal te genteetike te makꞌ ya spukbeyik skꞌoplale.

San Mateo 8:4

Te Jesuse la yalbe te winike: —Ya kalbeyat, ma me machꞌa xꞌawalbe yaꞌi. Jaꞌ nax baan ta stojol te saserdotee. Akꞌa aba ta ilel yuꞌun. Sok ichꞌa bael te smajtan Diose jich te tutꞌil la yal ta mantal te Moisese. Jich me ya snaꞌbeyik sluwar te genteetike te lekubenix te achamele —xyut bael.

San Mateo 9:30

Jicha jam te sitike. Te Jesuse tulan a yaltalanbe bael: —Ila me abaik, ma me machꞌa xꞌawalbeyik —xyut.

San Marcos 1:44

—Awaꞌi, ma me machꞌa xꞌawalbe. Jaꞌ nax baan, akꞌa aba ta ilel ta sit te saserdotee. Sok ichꞌbeya bael smajtan Dios yuꞌun te lekubatixe, jich tutꞌil la yal mantal te Moisese. Jich me ya snaꞌik te genteetik te lekubenix te achamele —xꞌutot.

San Marcos 6:11

Teme ay jtejklum te ma skꞌan yikꞌexe sok ma skꞌan yaꞌiyik te tut ya awalike, lokꞌanik bael tsꞌin teꞌa. Sok tijtina jilel te stanil awoke. Jaꞌ seña ya yilik te ay ta skuentaik te ma skꞌan xchꞌuunike —xchi te Jesuse.

San Lucas 17:14

Kꞌalal la yil te Jesuse, jicha yaltalanbe: —Baanik, ban akꞌa abaik ta ilel ta stojol te saserdoteetike —xchi. Te tutꞌil yipalik kꞌal ta beel ae, chꞌay bael te xchamelike.

San Lucas 5:13

Te Jesuse la skajambe skꞌab ta sjol, jich a yalbe: —Jichuk. Ya xlekub te achamele —xchi. Tsꞌina chꞌay bael te skꞌaꞌel-chamel te winike.

San Lucas 9:5

Teme ay jtejklum te ma xyikꞌexe, tijtina jilel te stanil awoke, y lokꞌanik tal teꞌa. Jaꞌ seña ta stojolik te ay ta skuentaik te ma skꞌan xchꞌuunike —xchi te Jesuse.