San Lucas 4:42 - Nuevo Testamento Tzeltal de Amatenango

⁴² Kꞌalal sakubix a te kꞌinale, lokꞌ bael ta jtejklum te Jesuse. Bajt te ba jochol te luware. Pero te genteetike lijk sleik. Te kꞌalal la staik te ba aye, kꞌan skomik te manchuk ya xbajte.

Bible in Tzeltal Bachajón

⁴² C'alal sacub q'uinal, loc' bahel, baht ta banti jochol q'uinal. Lehot yu'un te ants-winiquetic. Te c'alal c'ohtic te banti ay, ya c'an scomic te manchuc ya x'ihquitayotic yu'un.

Bible in Tzeltal de Oxchuc y Tenejapa

⁴² C'alal yac ta sacubel q'uinal a, loc' bael ta lum te Jesuse. Bajt' ta bay jochol te q'uinale. Jajch' ta leel yu'un te ants-winiquetique. Te c'alal la staique, c'an scomic te manchuc ya x'ijq'uitayotic yu'une.

San Lucas 4:42 ပူးပေါင်းရင်းမြစ်များ

San Marcos 1:45

Jich a bajt tsꞌin te winike, y ora lijk yalbe spisil genteetik te tutik a kꞌot ta pasele. Jich yuꞌun te Jesuse ma spasix te ya yakꞌ sba ta ilel te ya xꞌoch bael ta ni junuk jtejklum. Teꞌ xanix a been te ba maꞌyuk gentee, pero ta bayuk nax a tal ilek yuꞌun te genteetike.

San Lucas 24:29

Pero la yalbeyik ta puersa te yauk xkome. Jich a yalik: —Joyinaotik. Porke malix kꞌaal yuꞌun ya xꞌochix ajkꞌubal —xchiik. Te Jesuse och bael ba sjoyinlan.

San Lucas 6:12

Jaꞌ skꞌaalel a te ba skꞌopon Dios ta wits te Jesuse; spꞌejel ajkꞌubal la skꞌopon Dios teꞌa.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Juan 4:40

Jich te kꞌalal laj tal te samariaetike la skꞌanbeyik pawor te Jesuse te teyuk ya xꞌaninik sok ae. Jaꞌ yuꞌun anin cheb kꞌaal teꞌa te Jesuse.

San Juan 6:24

Kꞌalal la yilik te maꞌyuk teꞌa te Jesuse ni euk te jnopojeletik yuꞌune, te gentee moik bael euk te ba barkoe y bajtik ta Capernaum. Ba sleik te Jesuse.