San Lucas 4:36 - Nuevo Testamento Tzeltal de Amatenango

³⁶ Spisilik a xiꞌik yuꞌun, y lijk yalbe sbaik: —¿Tut skꞌopil a to? Te winik to yichꞌoj yaꞌtel sok ay spoder yuꞌun slokꞌesel pukujetik, yuꞌun ya nax yal mantal y ora ya xlokꞌ —xchiik.

Bible in Tzeltal Bachajón

³⁶ Xcham yo'tan spisilic, talel c'axel la yalbe sbahic: ¿Bin c'opil ini te ta scuenta yip soc yu'el ya spas ta mandar bohl espírituhetic, hich ya xloq'uic yu'un? xchihic.

Bible in Tzeltal de Oxchuc y Tenejapa

³⁶ Spisilic jchajp nax la yilic a. Jich la yalbey sbaic: —¿Bit'il ay a te sc'ope? Yich'oj tulan yat'el soc ay yu'el yu'un sloq'uesel pucujetic, te melel ta smandal nax ya xloq'uic ta ora yu'un —xiic.

San Lucas 4:36 ပူးပေါင်းရင်းမြစ်များ

San Mateo 9:33

Te kꞌalal lokꞌix bael te pukuj yuꞌun te Jesuse, lijk kꞌopojuk ta ora te winike. Te genteetike lijk aꞌabiyanuk yoꞌtanik yuꞌun. Jich a yalik: —Ni maꞌyuk ba kilojtik ta Israel jich tutꞌil to —xchiik yuꞌun.

San Marcos 1:27

Spisil te genteetike cham a yaꞌiyik yuꞌun. La sjokꞌobe sbaik: —¿Tut wan a to? Snopeswan ta kaj xan yachꞌil, yuꞌun yichꞌoj tulan yaꞌtel. Yuꞌun ya spas ta mantal te pukujetike sok ya xchꞌuunbot skꞌop yuꞌunik —xchiik.

San Marcos 7:37

Cham a yaꞌiyik te tut a kꞌot ta pasel. Jich la yalik: —Spisil tsaꞌam te tut ya spase. Asta te machꞌa ma xyaꞌi kꞌope, ya yaꞌi kꞌop yuꞌun. Sok te machꞌa ma xlokꞌ skꞌope, ya xkꞌopoj yuꞌun —xchiik.

San Lucas 2:18

Spisil te machꞌatik la yaꞌibe sluware toj cham a yaꞌiyik yuꞌun te tuti yal te jkanan-karneraetike.

San Lucas 4:32

Lom cham a yaꞌiyik yuꞌun te tuti yal ta pꞌijuteswaneje, yuꞌun jicha kꞌopoj te tutꞌil machꞌa yichꞌoj tulan yaꞌtele.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.