San Lucas 3:22 - Nuevo Testamento Tzeltal de Amatenango

²² Jicha koj tal te Chꞌul Espíritu ta stojol te Jesuse, chiknaj ta ilel jich tutꞌil te palomae. Sok ay a aꞌiyot kꞌop ta chꞌulchan te jich a yale: —Jaꞌat Jnichꞌanat te ben kꞌuxat ta koꞌtane. Ben tsaꞌam koꞌtan awuꞌun —xchi.

Bible in Tzeltal Bachajón

²² co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

Bible in Tzeltal de Oxchuc y Tenejapa

²² Jich coj tel ta stojol Jesús te Ch'ul Espiritue. Chican ta ilel, melel jich bit'il stsumut te jul ta stojole. Soc la yaiyic stojol te ay mach'a c'opoj tel ta ch'ulchan te jich la yale: “Ja'at Jnich'anat te bayal c'uxat ta co'tan. Bin nax co'tan awu'une”, te xie.

San Lucas 3:22 ပူးပေါင်းရင်းမြစ်များ

San Mateo 12:18

“Teꞌ ay te kabat te tꞌujbil kuꞌune. Jaꞌ te kꞌux ya kaꞌi ta koꞌtan sok ben jun koꞌtan yuꞌun. Ya me kaꞌbe ta yoꞌtan te Espíritu kuꞌune. Jich me ya spuk ta alel ta stojol spisil nasionetik te tutꞌil toj ta pasele.

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Mateo 27:43

Teme jaꞌ xchꞌuunej te ya xkoltayot yuꞌun te Diose, aꞌ me koltayek yuꞌun ora to teme jich ya skꞌan te Diose. Jich a yal te jaꞌ Xnichꞌan Dios ta skꞌope —xchiik.

San Mateo 3:13

Te Jesuse lijk tal ta estado yuꞌun Galilea, tal ba ukꞌum Jordan. Kꞌot te ba ay te Juane, yuꞌun tal skꞌan yichꞌ jaꞌ.

San Mateo 3:16

Kꞌalal laj yichꞌ jaꞌ te Jesuse, lokꞌ tal ta jaꞌ. Ora jam te chꞌulchane. Te Jesuse la yil a koj tal te Espíritu yuꞌun Dios, jachik tutꞌil paloma jul ta skuenta.

San Mateo 3:17

Sok ay machꞌa kꞌopoj tal ta chꞌulchan: —Jaꞌ i to jaꞌ jNichꞌan te lom bayal kꞌux ta koꞌtane. Ben jun koꞌtan yuꞌun —xchi.

San Marcos 1:11

Sok ay machꞌa kꞌopoj ta chꞌulchan. Jich a yal: —Jaꞌat jnichꞌanat te jkꞌanojate. Ben tsaꞌam koꞌtan awuꞌun —xchi.

San Marcos 1:9

La sta skꞌaalel te Jesus lokꞌ ta jtejklum Nazaret ta estado Galilea, y aꞌbot yichꞌ jaꞌ yuꞌun Juan ta ukꞌum Jordan.

San Marcos 9:7

Y teꞌ nax koj tal tokal, jul axintesek yuꞌun. Y teꞌ ta tokale ay machꞌa kꞌopoj, jich a yal: —Jaꞌ me jNichꞌan to te ben xpich ta koꞌtane. Aꞌiybeyaik me te tut ya yale —xchi.

San Lucas 2:14

“¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

San Lucas 4:21

Te Jesuse lijk ta kꞌop, jich a yal: —Te kꞌaal to jaꞌa kꞌotix ta pasel ta atojolik te tut la awaꞌibeyik sluwar te tsꞌibabil jilel ta Sjun te Diose —xchi.

San Juan 1:32

Te Juane jich a yal xan: —La kil te Chꞌul Espíritu te koj tal ta chꞌulchane, jich yilel te tutꞌil palomae.

San Juan 12:28

JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.

San Juan 5:37

Y jich te Tatil te la stikonon tale jaꞌ ya yakꞌon ta naꞌel stukel. Manchuk teme maꞌyuk awaꞌiyejbeyik te skꞌope, sok te ni maꞌyuk awilojike,

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

1 Pedro 2:4

Tijilajanik ta stojol te Kajwaltike yuꞌun jaꞌ kuxul ton stukel. Pꞌajot yuꞌun te genteetike, pero te Diose stsaoj stukel, jich tutꞌil ton te ben tulan skꞌoplale.