San Lucas 3:18 - Nuevo Testamento Tzeltal de Amatenango

¹⁸ Jich a yal ta stojol te genteetike, sok ay to xan bayal te tuti yalbe ta stojolik ta skuenta te lek yachꞌil kꞌope.

Bible in Tzeltal Bachajón

¹⁸ Ta scuenta ha c'opetic ini soc bayel xan bintic la yal ta tsitsaw te hich la yalbe te pueblo te lec yach'il c'ope.

Bible in Tzeltal de Oxchuc y Tenejapa

¹⁸ Jich la yal ta stojol te lume, soc ay to xan bayal consejo la yalbey ta stojolic ta swenta te lec yach'il c'ope.

San Lucas 3:18 ပူးပေါင်းရင်းမြစ်များ

San Lucas 3:17

Te machꞌa ya xtale jich kꞌoem te tutꞌil machꞌa xbichoj spala-teꞌ ta skꞌab te ya yikꞌabe lokꞌel skꞌaꞌpalel a te striwue. Patil ya skꞌej ochel ta yawil te sbakꞌe. Yan te skꞌaꞌpalele ya me xchikꞌ ta kꞌajkꞌ te ma xtupꞌ sbajtel kꞌinale —xchi te Juane.

San Lucas 3:19

Sok la yalbe ta jamal smul te gobierno Herodese, yuꞌun la yikꞌ yinamin te yinam yijtsꞌin Felipee, te xHerodias sbiile. Sok la yalbe spisil te tutik ma tsaꞌamuk spasoje.

San Juan 1:15

Te Juane la yakꞌ sba ta testigo yuꞌun. Jich a yal: —Jaꞌ to jaꞌ te machꞌa la kalbe skꞌoplal te ya xtal ta patil kuꞌune, te jaꞌ mas ay ta jkuenta stukel ke te joꞌone. Porke ayix a stukele te kꞌalal ma to ayukon a te joꞌone —xchi te Juane.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

San Juan 1:34

Te joꞌon kilojix, y joꞌon testigoon yuꞌun te jaꞌ Xnichꞌan te Diose —xchi te Juane.

Hechos 2:40

Te jPedroe la to xan yalbe lek te skꞌop Diose y la stsits te jaꞌ lek te yauk xchꞌuunike. Y la yaltalanbe: —Pita abaik tal lokꞌel te ba genteetik te ma tsaꞌamuk yoꞌtanike —xchi.

Hechos 20:2

La yulutay spisil luwaretik te baꞌatik ay te hermanoetike y bayal a yaꞌbe jilel spuersa yoꞌtan. Y patil kꞌot ta estado Grecia.

Romanos 12:8

Te machꞌa yichꞌoj te majtanil yuꞌun te ya yaꞌbe spuersa yoꞌtan te yane, a me yaꞌbe xan spuersa yoꞌtan. Te machꞌa ay tut ya skꞌebene, junuk me yoꞌtan a yakꞌ. Te machꞌa ay ta skuenta tsobawe, junuk me yoꞌtan a tsobawanuk. Te machꞌa ya skoltay te meꞌbaetike, junuk me yoꞌtan awak spas.