San Lucas 24:44 - Nuevo Testamento Tzeltal de Amatenango

⁴⁴ Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

Bible in Tzeltal Bachajón

⁴⁴ Patil hich la yalbe: Hich ay te bin la jcalbeyex te c'alal joquex to a, te ya sc'an te ts'acal ya xc'oht ta pasel te bin ya yalbon jc'oblal te ts'ihbabil ta Ley yu'un Moisés, ta shun jalwanejetic soc ta salmohetic, xchi.

Bible in Tzeltal de Oxchuc y Tenejapa

⁴⁴ La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

San Lucas 24:44 ပူးပေါင်းရင်းမြစ်များ

San Mateo 1:22

Spisil ito kꞌot ta pasel yuꞌun jich me ya xkꞌot te tut yaloj te Kajwaltik ta skuenta te jꞌalwanej yuꞌune:

San Mateo 16:21

Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

San Mateo 26:54

¿Pero tutꞌil kꞌan kꞌotuk ta pasel te tut tsꞌibabil ta Sjun Dios te ya yal te puersa jich ya xkꞌot ta jkuenta? —xchi te Jesuse.

San Mateo 26:56

Pero jaꞌ ya xkꞌot ta pasel spisil te tut tsꞌibabil jilel yuꞌun te jꞌalwanejetik yuꞌun te Diose —xchi te Jesuse. Mismo tiempo a, spisil te jnopojeletik la xchꞌojik jilel te Jesuse y lokꞌik bael ta anel.

San Marcos 9:31

yuꞌun yipal ta spꞌijutesel a te jnopojeletik yuꞌune. La yalbe: —Te Nichꞌanile, ya me yakꞌik ta skꞌab winketik, y ya me smilik. Pero ta yoxebal kꞌaal ya me xchaꞌkux tal —xchi te Jesuse.

San Lucas 21:22

Porke jaꞌix me skꞌaalel te kastigo ta stojolike. Teꞌ me ya xkꞌot ta pasel a spisil te tut tsꞌibabil jilel skꞌoplal ta Sjun Diose.

San Lucas 22:37

Porke ya kalbeyex te puersa ya xkꞌot ta pasel ta jkuenta te tut tsꞌibabil ta Sjun Diose te ya joyin ta ajtayel te jkꞌaxintayej-mantaletike. Yuꞌun spisil ya xkꞌot ta pasel te tut tsꞌibabil jilel jkꞌoplale —xchi te Jesuse.

San Lucas 24:46

Y la yaltalanbe: —Jich tsꞌibabil jilel te puersa ya xkꞌax jwokol joꞌon te Cristoone, y ya xchaꞌkuxon tal ta yoxebal kꞌaal.

San Lucas 9:22

Y la yaltalanbe: —Te Nichꞌanile puersa ya xkꞌax bayal swokol. Ya me spꞌajik te moletik sok te statal saserdoteetike sok te maestroetik yuꞌun te mantaliletike. Ya me yakꞌik ta milel, pero ya me xchaꞌkux tal ta yoxebal kꞌaal —xchi.

San Lucas 9:44

—Aꞌibeyaik lek sluwaril y ma me chꞌay ta awoꞌtanik: Te Nichꞌanile ya me xꞌakꞌot entregal ta skꞌab winketik —xchi.

San Juan 3:14

Jich tutꞌil te jMoises te la sjojkꞌan chan ta teꞌ te ba jojchol tꞌantꞌan luwar, jich mismo puersa me ya yichꞌ jojkꞌanel euk te Nichꞌanile,

San Juan 5:39

Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

San Juan 5:46

Porke te jaꞌuk achꞌuunnejik te tuti la yal te jMoisese, ya achꞌuunikon euk te jichuke. Porke te jMoisese jaꞌ jkꞌoplal te la stsꞌiba jile.

Hechos 13:33

la yakꞌ kꞌotukix ta pasel ta jtojoltik, joꞌotik te stsꞌumbalotike, te kꞌalal la xchaꞌkuses tal te ba ay animaetik te Jesuse. Jich tutꞌil tsꞌibabil jilel te ba Salmo numero dos: “Te jaꞌate, jnichꞌanat, nax to nax a kakꞌat ta ilel te joꞌon atatone”, xchi me.

Hechos 13:40

Kuidado me xꞌawakꞌ abaik, ma me jaꞌukex ya xkꞌot ta akuentaik te tuti stsꞌibayik jilel te jꞌalwanejetik yuꞌun te Diose te la yale:

Hechos 2:27

porke ma teyuk ya ajilesbon te ba ay te jchꞌenale. Sok ma xꞌawakꞌ kꞌaꞌuk jtiꞌbalul joꞌon te achꞌul awaj-aꞌtelone.

Hechos 3:18

Pero jaꞌ a spas kumplir te tut yaloj te Dios ta skuenta spisil te jꞌalwanejetik yuꞌune, te puersa ya xkꞌax swokol te Cristo yuꞌune.

Hechos 7:37

Y jaꞌ mismo te jMoisese te la yalbe te israeletik: “Te Diose ya me yakꞌ chiknajuk ta awolilik jtul jꞌalwanej jich tutꞌil te joꞌone. Jaꞌ me xꞌawaꞌibeyik te tut ya yalbeyexe”, xchi me.

Hebreos 10:1

Porke te mantaliletik yuꞌun te jMoisese jaꞌ nax yaxinal te tutik ben lek te ya xba taluke, y ma jaꞌuk stukel te tut batsꞌi leke. Jaꞌ yuꞌun te mantaliletike ma xjuꞌ yaꞌ stojutes te machꞌatik jujun jaꞌbil ya xtijilaj ta stojol Dios yuꞌun te ya yaꞌbe milbil smantan Dios.

Hebreos 3:5

Jich yuꞌun, te jMoisese, jich tutꞌil aj-aꞌtelil te jun yoꞌtan yuꞌun spisil te ba sna te Diose. Y te aꞌtel yuꞌune, jaꞌ te ya yalbe skꞌoplal te tutik ya xba yal ta patil te Diose.

Hebreos 7:1

Te jMelquisedeke jaꞌ rey yuꞌun te jtejklum Saleme, sok saserdote yuꞌun te Dios te ay ta chꞌulchane. Te kꞌalal sujt tal te jꞌAbraham te xkꞌotuk ta stsalel ta guerra te reyetike, te jMelquisedeke lokꞌ sta y la yaꞌbe bendision.

Hebreos 9:8

Jaꞌ to jaꞌ ya yaꞌbotik jnaꞌtik te Chꞌul Espiritue te tutꞌil ma to jamaluk sbeelel te Batsꞌi Chꞌul Luwar te jayeb kꞌaal te yipal to ta stuuntesel ta spasel te tut skuenta Dios te ba primero jkꞌaele.

1 Pedro 1:11

Te Espíritu yuꞌun te Cristoe la yaꞌbe snaꞌ ta nail te jꞌalwanejetik te ya xkꞌax swokol te Cristoe, y te ya xtal te lekilal ta patile. Yoꞌtanuk kꞌan snaꞌbeyik sluwar machꞌa genteil a y tut kꞌaalil ya xkꞌot ta pasel te tut albot ta yoꞌtanik yuꞌun te Espíritu te ay ta stojolike.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.