San Lucas 24:36 - Nuevo Testamento Tzeltal de Amatenango

³⁶ Yipalik to ta yaꞌbiyanel a te tuti kꞌot ta pasele, te Jesuse xtekꞌloj kꞌoel ta yolilik, y la spatalanbe yoꞌtan: —Bujtsꞌanuk me kꞌinal ya awaꞌiyik —xchi.

Bible in Tzeltal Bachajón

³⁶ Hich yac yalbelic a, te Jesús c'oht stehc'an sba ta yohlilic, hich la yalbe: Lamaluc me q'uinal yac awa'iyic, xchi.

Bible in Tzeltal de Oxchuc y Tenejapa

³⁶ Yacalic to ta yaanel a te teq'uel julel ta yolilic te Jesuse. [Jich la yal: —Muc'ubenuc me q'uinal ya awaiyic —xi'.]

San Lucas 24:36 ပူးပေါင်းရင်းမြစ်များ

San Mateo 10:13

Teme lek a yaꞌiy te yajwal nae, ben bujtsꞌan kꞌinal ya xkꞌot yuꞌun. Yan teme ma lek a yaꞌiye, ya me sujt tal ta akuentaik te bujtsꞌan kꞌinal te ya awalbeyike.

San Marcos 16:14

Ta patil to xan Jesus la yakꞌ sba ta ilel yuꞌun te buluchtul jnopojeletike te kꞌalal yipalik ta weꞌele. La yalbe ta jamal te maꞌyuk tut ya skꞌan xchꞌuunike sok te ben tulan yoꞌtanike, yuꞌun ma skꞌan xchꞌuumbeyik skꞌop te machꞌatik la yilikix te chaꞌkuxemix tale.

San Lucas 10:5

Te kꞌalal ya xꞌochex ta nae, nail xꞌapatbe yoꞌtan te yajwale. Jich me xꞌawalik: “Bujtsꞌanuk me kꞌinal ya awaꞌiyik liꞌ ba na to”, xchaex me.

San Juan 14:27

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

San Juan 20:26

Waxkeꞌ kꞌaal ta patil te jnopojeletike la stsob sbaik xan ta jpꞌej na, y teꞌeyix ekꞌa te jTomase. Lek tsꞌusajtik yuꞌunik te tiꞌ puertaetike, pero te Jesuse och bael xtekꞌlo kꞌoel ta yolilik. La spatalanbe yoꞌtan y la yaltalanbe: —Junuk me awoꞌtanik —xchi.

Hechos 1:3

Y ta patil, te kꞌaxix tal yuꞌun a te milele, la yakꞌ sba ta ilel ta stekꞌlejal. Klaro a yakꞌtalan ta ilel te tutꞌil kuxulixe. Kuarenta kꞌaal a yakꞌ sba ta ilel ta stojolik. Y la yaltalanbe sluwar te tutꞌil ay ta ajwalinel te Diose.

1 Corintios 15:5

La yakꞌ sba ta ilel yuꞌun te jPedroe y te nax a la yakꞌ sba ta ilel yuꞌun te lajchaytul apostoletike.

1 Corintios 15:7

Ta patil la yakꞌ sba ta ilel yuꞌun te Jacoboe, y te nax a la yakꞌ sba ta ilel yuꞌun spisil te apostoletike.

2 Tesalonicenses 3:16

Y te Kajwaltik te ya yakꞌ bujtsꞌan kꞌinale, aꞌ yaꞌbeyex bujtsꞌan kꞌinal ta sil tiempo y ta spisil te tutꞌil ayexe. Akꞌa sjoyinex ta apisilik te Kajwaltike.

Apocalipsis 1:4

Joꞌon Juanon, ya jtsꞌibabey te juktijkꞌ hermanoetik te aylan ta estado Asia. Ichꞌbeyaik te slekil yoꞌtan y te butsꞌan kꞌinal yuꞌun te Machꞌa stalel aye, sok te stalel ay ta namey, sok te stalel ay sbajtel kꞌinal. Y sok euk te jukeb espirituetik te aylan ta sit te ba ay te smukꞌul naktajibe,