San Lucas 24:27 - Nuevo Testamento Tzeltal de Amatenango

²⁷ Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

Bible in Tzeltal Bachajón

²⁷ Hich hahch scholbe ya'iyic c'alal Moisés soc spisil te jalwanejetic te bintic ts'ihbabil ta Shun Dios te ya yalbe sc'oblale.

Bible in Tzeltal de Oxchuc y Tenejapa

²⁷ Jich jajch' xcholbey spisil te bila ts'ibubil jilel ta Sjun Dios te bit'il ay sc'oplal te Cristoe. Tey jajch' ta Moisés ja' to c'alal ta slajibal te namey q'uinal j'alwanejetic yu'un te Diose.

San Lucas 24:27 ပူးပေါင်းရင်းမြစ်များ

San Marcos 4:34

Pero maꞌyuk a yal te ma ta seña-kꞌopuke. Yan te jnopojeletik klaro la yalbe spisil ta parte.

San Lucas 24:25

Jicha altalanbot yuꞌun te Jesuse: —Wokol ya xkꞌot ta awoꞌtanik te jaꞌexe. ¿Tut to ora ya xchꞌuun awoꞌtanik spisil te tut yaloj jilel te jꞌalwanejetik yuꞌun te Diose?

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.

San Juan 12:41

Te jꞌIsaiase jich a yal to, porke yilojbe slekil te Jesuse, sok jaꞌ mismo te la yalbe skꞌoplale.

San Juan 5:37

Y jich te Tatil te la stikonon tale jaꞌ ya yakꞌon ta naꞌel stukel. Manchuk teme maꞌyuk awaꞌiyejbeyik te skꞌope, sok te ni maꞌyuk awilojike,

San Juan 5:39

Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

Hechos 10:43

Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.

Hechos 3:18

Pero jaꞌ a spas kumplir te tut yaloj te Dios ta skuenta spisil te jꞌalwanejetik yuꞌune, te puersa ya xkꞌax swokol te Cristo yuꞌune.

Hechos 3:22

Te jMoisese la yalbe te antibo jmeꞌ-jtatike: “Te Kajwaltik Diose ya me yaꞌbeyex tal jtul jꞌalwanej te ya xchiknaj ta awolilik jich tutꞌil te la xchiknateson te joꞌone. Chꞌuunbeyaik me spisil te tut ya yalbeyexe,

Hechos 3:24

“Y spisil te jꞌalwanejetike jaꞌ to kꞌalal ta Samuel sok te yan jꞌalwanejetike jich a yalbeyik tal skꞌoplal te tut yipalix ta kꞌoel ta pasele.

Hechos 7:37

Y jaꞌ mismo te jMoisese te la yalbe te israeletik: “Te Diose ya me yakꞌ chiknajuk ta awolilik jtul jꞌalwanej jich tutꞌil te joꞌone. Jaꞌ me xꞌawaꞌibeyik te tut ya yalbeyexe”, xchi me.

Hechos 8:35

Jich te Felipee jaꞌ mismo a lijk yalbe tut ay sluwar te Sjun Dios te yipal ta yilel te etiope-winike, jaꞌ lijk yalbe sluwar te lekil achꞌ kꞌop yuꞌun te Jesuse.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.