San Lucas 23:5 - Nuevo Testamento Tzeltal de Amatenango

⁵ Pero mas xniket lijkel ta kꞌop: —Te tut ya snojpeswan ae ya slikes kꞌop ta spisil te jtejklumetik ta Judeae. Lijk tal ta Galilea, y ta ora to jich ya spas liye —xchiik.

Bible in Tzeltal Bachajón

⁵ Pero la yaq'uic xan fuersa, hich la yalic: Yac shachbel c'op ta pueblo ta scuenta bin ya yac' ta nopel ta spahmal sq'uinal Judea, hahch talel ta Galilea, hulix li' c'alali, xchihic.

Bible in Tzeltal de Oxchuc y Tenejapa

⁵ Ja'uc me to, la yaq'uic puersa ta c'op: —Te p'ijubtesel yu'une, ya sboltesbey yo'tanic a te lume. Ja' to jajch' tel ta sq'uinal Galilea soc ta sq'uinal Judea, ja' to c'alal li'to —xiic.

San Lucas 23:5 ပူးပေါင်းရင်းမြစ်များ

San Mateo 11:1

Te kꞌalal laj yoꞌtan te Jesuse ta spasel mantal te lajchaytul jnopojeletik yuꞌune, jajch bael teꞌa. Ba pꞌijuteswanuk sok ba yal skꞌop Dios te ba jtejklumetik teꞌa.

San Mateo 2:1

Te Jesuse ayin ta jtejklum Belen ta estado yuꞌun Judea. Jaꞌ rey a te Herodese. Julik tal ta Jerusalen te pꞌijil winketike te talemik ta slokꞌib kꞌajkꞌale.

San Mateo 27:24

Te kꞌalal la yil te Pilato te maꞌyuk tut ya xjuꞌ yuꞌune, sok mas tulan xan alijk ta aw te genteetike, la stikon tal ta ichꞌel jaꞌ, y la spok skꞌab ta sit te genteetike. Jich a yal: —Ya me jpok te jkꞌabe yuꞌun jich me ya awilik te makꞌ jchꞌik jba ta smalel xchꞌichꞌel te winik to te maꞌyuk smule. Jaꞌex me ya amulinik atukelik —xchi.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Marcos 1:14

Te tut ora otsesot ta prexo te Juane, te Jesuse bajt ta Galilea. Tey kꞌo yalbey a spisil genteetik te lekil kꞌop yuꞌun te Diose.

San Lucas 11:53

Te kꞌalal laj yoꞌtan ta yalel te Jesuse, te maestroetik yuꞌun te mantaliletike sok te fariseoetike ben ip a laj ilin yuꞌun. Jicha lijk swulilanik ta kꞌop yuꞌun, bayal tut ya sjojkꞌobeyik.

San Lucas 23:23

Pero mas tulan a lijkik xan ta aw te ya skꞌanik te ya xmilot ta kruse. Te tutꞌil tulan a awunik ta skꞌanel te genteetike y te stataletik yuꞌun te saserdoteetike, jicha juꞌ yuꞌunik.

San Lucas 23:6

Te tutꞌil jich a yaꞌi te jPilatoe, la sjojkꞌo teme talem ta Galilea te winike.

San Juan 1:43

Ta yoꞌebal kꞌaal te Jesuse la snop te ya xbajt ta estado yuꞌun Galileae. La sta sba sok te Felipee, y la yalbe: —Laꞌ tsꞌakliyaon bael —xyut.

San Juan 19:15

Pero te juriyoetike lijkik ta aw: —¡Bajtuk ta milel! ¡Bajtuk ta milel ta krus! —xchiik. Te jPilato la sjojkꞌolanbe: —¿Me ya wan spas ya kakꞌ ta milel ta krus te rey awuꞌunike? —xchi. Te stataletik yuꞌun te saserdoteetike la sjakꞌbeyik: —Te joꞌotike maꞌyuk yan rey kuꞌuntik, jaꞌ nax te César te ay ta Romae —xchiik.

San Juan 2:11

Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

San Juan 7:41

Te yanetik la yalik: —Jaꞌix te Cristo to —xchiik. Pero te yane la yalik: —Ma jaꞌuk. Porke te Cristoe ma ta slumuk Galilea ya xtal.

San Juan 7:52

Te fariseoetike la sjakꞌik: —Jich euk te jaꞌate, ¿me yuꞌun Galileoat? Nopa ta lek te Sjun Diose; teꞌ me ya awil a te ni jtul jꞌalwanej ya xtal ta Galileae —xyutik.

Hechos 10:37

Te jaꞌexe lek ya anaꞌik te tuti kꞌot ta pasel ta spisil te ba slum juriyoetike. Lijk ta slum Galilea, te kꞌalal lajix yoꞌtan ta yalbeyel skꞌoplal ichꞌjaꞌ a te Juane.

Hechos 23:10

Te tutꞌil tulanej te kꞌope, te statal soltaroe xiꞌ yuꞌun. Jaꞌ ya yal teme pedaso a akꞌot te jPablo yuꞌunike. Jich a yalbe bael mantal chaꞌoxtul soltaroetik yuꞌun xba slokꞌes tal te jPablo te ba yolil juntae, yuꞌun ya xchaꞌikꞌon bael te ba skuartel te soltareotike.

Hechos 5:33

Kꞌalal jich a yaꞌiyike, kꞌajkꞌubik yuꞌun y kꞌan smilik.

Hechos 7:54

Kꞌalal la yaꞌiyik te tuti yal te jꞌEstebane, lijk slaꞌ-yoꞌtanik yuꞌun, y la xkꞌuxuxan yeik ta skontrainel te jꞌEstebane.

Hechos 7:57

Pero la smak xchikinik, y tulan a lijk awunikuk, y la sjum sbaik tal ta stsakel te jꞌEstebane.