San Lucas 23:41 - Nuevo Testamento Tzeltal de Amatenango

⁴¹ Te joꞌotike ay rason te ayotik ta wokole, porke jaꞌ yipalotik ta stojel te tut ma tsaꞌamuk jpasojtike. Pero te winik to maꞌyuk tut ma tsaꞌamuk spasoj —xchi.

Bible in Tzeltal Bachajón

⁴¹ Te ho'otic stojil te yac quich'beltic castigo, yu'un ha ya x'ac'ot jtojtic te bin chopol jpasojtique; yan stuquel mayuc bin chopol spasoj, xchi.

Bible in Tzeltal de Oxchuc y Tenejapa

⁴¹ Te jo'otique stojil te ayotic ta castigo yu'un te amen cat'eltique. Yan in winic to, ma'yuc bila amen spasoj stuquel —xi'.

San Lucas 23:41 ပူးပေါင်းရင်းမြစ်များ

San Mateo 27:19

Te tutꞌil nakal te ba smeltsaꞌanwan te jPilatoe, te yiname la stikonbe tal mantal: “Ma me achꞌik aba a te winik me to te maꞌyuk smule. Yuꞌun te ajkꞌubeye ben tulan a wayuchejon yuꞌun”, xchi te skꞌope.

San Mateo 27:24

Te kꞌalal la yil te Pilato te maꞌyuk tut ya xjuꞌ yuꞌune, sok mas tulan xan alijk ta aw te genteetike, la stikon tal ta ichꞌel jaꞌ, y la spok skꞌab ta sit te genteetike. Jich a yal: —Ya me jpok te jkꞌabe yuꞌun jich me ya awilik te makꞌ jchꞌik jba ta smalel xchꞌichꞌel te winik to te maꞌyuk smule. Jaꞌex me ya amulinik atukelik —xchi.

San Mateo 27:4

Jich a yal: —Mulawonix yuꞌun la kakꞌix ta entregal ta milel te winik te maꞌyuk smule —xchi. Pero la sjakꞌtalanik: —Ma kocheltikuk te joꞌotike. Jaꞌat ayix ta akuenta —xyutik.

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Lucas 23:40

Pero te jtul xane la skom te sjoye, sok la yalbe: —¿Meꞌn makꞌ xiꞌat yuꞌun te Diose te tutꞌil pajal ayat ta kastigo sok te Jesuse?

San Lucas 23:42

Te nax a la yalbe te Jesuse: —Jesus, naꞌaon me te tut ora ya awichꞌ awaꞌtele —xyut.

1 Tesalonicenses 2:10

Jaꞌex testigoex yuꞌun, y jaꞌ testigo euk te Diose, te tutꞌil maꞌyuk mulil ta koꞌtantik y toj a anotik, sok maꞌyuk ba jta jmultik ta atojolik.

Santiago 4:7

Jaꞌ yuꞌun, aꞌ me abaik ta skꞌab te Diose. Pꞌajaik me te pukuje, y ya me xlok bael ta anel ta atojolik.

1 Pedro 1:19

sino ke jaꞌ te stsaꞌamul xchꞌichꞌel te Cristoe te la yichꞌ akꞌel ta milbil majtanil, jachik tutꞌil jkꞌojt karnera te limpio aye.

1 Pedro 2:23

Te kꞌalal la yutik ta kꞌope, ni ma sjakꞌ ta utaw. Te kꞌalal la yaꞌbeyik swokole, ni ma tutiꞌ yal. Sino ke jaꞌ a yaꞌbe ta skuenta te Diose, te toj ya xchapawane.