San Lucas 23:33 - Nuevo Testamento Tzeltal de Amatenango

³³ Kꞌalal a kꞌot te ba chꞌin stunle te Bakeljolol sbiile, teꞌ sjojkꞌanik ta krus a te Jesuse sok xchebal te winketik te bayal tut ma tsaꞌamuk spasojike, jtul ta sbatsꞌil kꞌab y jtul ta xkꞌexom kꞌab.

Bible in Tzeltal Bachajón

³³ C'alal c'ohtic ta jun lugar Baqueljolal sbihil, tey c'oht sjihpanic ta cruz a soc te cheb chopol winiquetic, jtuhl ta swa'el, jtuhl ta sq'uexam.

Bible in Tzeltal de Oxchuc y Tenejapa

³³ C'alal c'otic ta bay te q'uinal Baqueljolol sbiile, tey la yich' jijp'anel ta cruz a te Jesuse soc uuc te cheb winiquetic te bayal bila amen spasojique, jtul ta swa'el soc jtul ta xq'uexen. [

San Lucas 23:33 ပူးပေါင်းရင်းမြစ်များ

San Mateo 20:19

Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

San Mateo 26:2

—Anaꞌojbeyik sluwar te cheb xanix kꞌaal skꞌan te skꞌin Pascuae. Te Nichꞌanile ya me xꞌakꞌot ta entregal, yuꞌun ya me xmilot ta krus —xchi.

San Lucas 24:7

te la yal: “Te Nichꞌanile puersa me ya xꞌakꞌot entregal ta skꞌab te jmulawiletike, ya me sjojkꞌanik ta krus y ta yoxebal kꞌaal ya xchaꞌkux tal”, xchi me —xchiik.

San Juan 18:32

Jich a kꞌot ta pasel te tut yaloj te Jesuse te tut lajelil ya xkꞌot ta skuentae.

San Juan 3:14

Jich tutꞌil te jMoises te la sjojkꞌan chan ta teꞌ te ba jojchol tꞌantꞌan luwar, jich mismo puersa me ya yichꞌ jojkꞌanel euk te Nichꞌanile,

Hechos 13:29

Te nax a te kꞌalal la spasikix spisil te tut tsꞌibabil jilel skꞌoplal ta sjun te Diose, la skoesik bael ta krus y la smukik.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

Hechos 5:30

Te Dios yuꞌun te antibo jmeꞌ-jtatike jaꞌ a xchaꞌkuses tal te Jesuse. Jaꞌ mismo te la amilik te la ajojkꞌanik ta kruse.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.