San Lucas 23:27 - Nuevo Testamento Tzeltal de Amatenango

²⁷ Bayal genteetik stsꞌakliyejik kꞌael. Ay bayal antstik ya xꞌokꞌik y xꞌawlajan yuꞌun ajtal-oꞌtan yuꞌun te Jesuse.

Bible in Tzeltal Bachajón

²⁷ Tsobol swinquilel te pueblo la st'unic bahel, soc ay antsetic yac yoq'uetaybelic te Jesús soc bayel smeloj yo'tanic yu'un.

Bible in Tzeltal de Oxchuc y Tenejapa

²⁷ Spisil te lume la sts'aclinic bael soc ay tsobol antsetic te tulan yacalic ta oq'uel soc mel-o'tan ta swenta te Jesuse.

San Lucas 23:27 ပူးပေါင်းရင်းမြစ်များ

San Mateo 11:17

“La kokꞌesintik kamaytik, maꞌ ajkꞌotajex yuꞌun. La jkꞌayojintik te ben triste kꞌayojetik, maꞌ okꞌex yuꞌun”, te xchiike.

San Mateo 27:55

Ay bayal antstik te jakal to ayik ta skꞌeluyele. Jaꞌ te machꞌatik a stsꞌakliyik te Jesuse kꞌalal ta Galilea te la yakꞌ sbaik ta abatinel yuꞌune.

San Marcos 15:40

Ay antsetik te jakal nax ya yilike. Teꞌa ekꞌa te xMaria Magdalenae sok xMaria te smeꞌ te ijtsꞌinal Jacobe sok te Josee, sok xan te Salomee.

San Lucas 23:28

Pero te Jesuse la skꞌelu sujtel y la yaltalanbe: —Antstik yuꞌun Jerusalen, ma xꞌawokꞌetayikon. Okꞌetaya aba atukelik, y sok te awuntikilike.

San Lucas 23:55

Te antstik te sjoyinejik tal te Jesuse kꞌalal ta Galilea, ba yilik te chꞌene. La yilik te tutꞌil aꞌbil jilel te stiꞌbalul te Jesuse.

San Lucas 8:2

Sok ay antstik te la slokꞌesbeyix pukuj ta yoꞌtanike sok te la slekutesbeyik xchamelik te sjoyinejik ta beel euk te Jesuse. Jaꞌ te xMaria te xMagdalena sbiile te lokꞌem jukeb pukuj ta yoꞌtane.

San Lucas 8:52

Spisil yipalik ta okꞌel, sok xꞌuylajan ta yokꞌetayel te achꞌixe. Te Jesuse la yaltalanbe: —Ma okꞌanik. Te achꞌixe ma chamenuk. Wayal nax —xchi.

San Juan 16:20

Jamal ya kalbeyex: Te jaꞌexe ya me xꞌokꞌex sok bayal me yajtal-awoꞌtanik. Yan te genteetik te ayik ta skuenta balmilale ben sniꞌ xyaꞌiyik yuꞌun. Pero te yajtal-awoꞌtanike ya me sujt ta bujtsꞌan kꞌinal.