San Lucas 23:22 - Nuevo Testamento Tzeltal de Amatenango

²² Ta yoxebal buelta te jPilatoe la yaltalanbe: —¿Tut ma tsaꞌamuk spasoj? Te joꞌone maꞌyuk tut ma tsaꞌamuk a jtabe te ya xjuꞌ ya xlaj yuune. Ya me kaꞌbe kastigo y ta patil ya jkoles bael —xchi.

Bible in Tzeltal Bachajón

²² Te Pilato ta yoxebal buelta la yalbe: ¿Binti chopol spasoj? Mayuc smul la jtahbe te ya x'ac'ot ta lajel yu'un. Ya ca'be castigo, ya jcoltay bahel, xchi.

Bible in Tzeltal de Oxchuc y Tenejapa

²² Ta yoxebal buelta la yal te Pilatoe: —¿Bila amen spasoj? Te jo'one ma'yuc bi amen la jtabey te ya x'ac'ot ta lajel yu'une. Ya me cac'bey castigo, patil ya jcoltay bael —xi'.

San Lucas 23:22 ပူးပေါင်းရင်းမြစ်များ

San Lucas 23:14

y la yaltalanbe: —Te jaꞌexe la awikꞌbikon tal te winik to. Ya awalik te ya slijkes kꞌop te ba jtejklume. Pero la jojkꞌobeyix ta asitik y maꞌyuk a jtabe smul jich tutꞌil te ya awalik te ay smul ta akꞌopike.

San Lucas 23:16

Ya me kaꞌbe kastigo y ta patil ya me jkoles bael —xchi.

San Lucas 23:20

Te jPilato kꞌan skoles bael te Jesuse y la yalbe xan te jtejklume.

San Lucas 23:21

Pero mas tulan xan a awunik: —¡Mila ta krus! ¡Mila ta krus! —xchiik.

San Lucas 23:23

Pero mas tulan a lijkik xan ta aw te ya skꞌanik te ya xmilot ta kruse. Te tutꞌil tulan a awunik ta skꞌanel te genteetike y te stataletik yuꞌun te saserdoteetike, jicha juꞌ yuꞌunik.

San Lucas 23:4

Jich te jPilatoe la yalbe te stataletik yuꞌun te saserdoteetike sok spisil te genteetike: —Ma jtabe tut smul te winik to —xchi.

1 Pedro 1:19

sino ke jaꞌ te stsaꞌamul xchꞌichꞌel te Cristoe te la yichꞌ akꞌel ta milbil majtanil, jachik tutꞌil jkꞌojt karnera te limpio aye.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.