San Lucas 22:69 - Nuevo Testamento Tzeltal de Amatenango

⁶⁹ Pero te ora bael to te Nichꞌanile ya me xkꞌo najkajuk ta sbatsꞌil kꞌab te Dios te lom bayal spodere —xchi.

Bible in Tzeltal Bachajón

⁶⁹ Pero yo'tic te Nich'anil ay ta scuenta winic ya xbaht shuhcan sba ta swa'el-c'ab te Dios te spisil ya xhu' yu'un, xchi.

Bible in Tzeltal de Oxchuc y Tenejapa

⁶⁹ Ja'uc me to, te Nich'anile, ya me snajc'an sba ta swa'el sc'ab te Dios te Spisil ya xju' yu'une —xi'.

San Lucas 22:69 ပူးပေါင်းရင်းမြစ်များ

San Mateo 22:44

“Te Kajwaltik Dios la yalbe te Kajwale: ‘Naklan ta jbatsꞌil jkꞌab jaꞌ to teme la kaꞌbeyat apuchꞌ ta tekꞌel te akontratake,’ xchi te Diose”, xchi me.

San Mateo 26:64

La sjakꞌ te Jesuse: —Joꞌon abi, jich te tut ya awale. Y joꞌon ya kalbeyex: Ya me awilik te Nichꞌanile, nakal ta sbatsꞌil kꞌab te Dios te spisil ya xjuꞌ yuꞌune, sok te ya xtal ta stokalul chꞌulchan —xchi.

San Marcos 14:62

La yal te Jesuse: —Joꞌon abi. Y te jaꞌexe ya me awilik te Nichꞌanil te nakal ta sbatsꞌil skꞌab te Dios te ay bayal spodere, y te ya xtal ta stokalul te chꞌulchan —xchi.

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

San Lucas 22:68

Y teme ay tut ya jojkꞌobeyexe, ma xꞌajakꞌbikon.

Romanos 8:34

¿Machꞌa kꞌan yakꞌotik bael ta chꞌayel? Maꞌyukix. Yuꞌun jaꞌ a cham Cristo Jesus kuꞌuntik. Sok ma jipuk a. Te Cristoe chaꞌkux y teꞌ ayix ta sbatsꞌi kꞌab te Diose; jaꞌ yipal ta kꞌop kuꞌuntik.

Colosenses 3:1

Jaꞌ yuꞌun, ya ke te jaꞌexe te chaꞌkusesbilexix sok te Cristoe, leaik te tutik skuenta te chꞌulchane, te ba nakal te Cristo ta sbatsꞌil skꞌab te Diose.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 8:1

Te tut mas tulan skꞌoplal te tut yipalotik ta yalele, jaꞌ te ay te statal saserdote kuꞌuntike te nakal ta chꞌulchan ta sbatsꞌil te ba snaktijib te Diose.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.