San Lucas 22:66 - Nuevo Testamento Tzeltal de Amatenango

⁶⁶ Te kꞌalal sakubix tal a te kꞌinale, la stsob sbaik tal te moletik yuꞌun te juriyoetike sok te statal saserdoteetike sok te maestroetik yuꞌun te mantaliletike. La yikꞌik bael te Jesuse te ba stsobo sbaik, y la sjojkꞌobeyik:

Bible in Tzeltal Bachajón

⁶⁶ Ta sacubel q'uinal la stsob sbahic te mamaletic yu'un te pueblo, te principal sacerdotehetic soc te escribanohetic, la yiq'uic bahel ta stojol te jtsohb jchahpanwanejetic.

Bible in Tzeltal de Oxchuc y Tenejapa

⁶⁶ Ta sacubel q'uinal la stsob sbaic ta Muc'ul Tsoblej te principaletic yu'un te lume soc te jwolwanej-sacerdoteetic soc te jts'ibojometique. La yiq'uic tel ta stojolic te Jesuse. Jich la sjojc'obeyic:

San Lucas 22:66 ပူးပေါင်းရင်းမြစ်များ

San Mateo 27:1

Sakubix kꞌinal a te statal saserdoteetik sok te moletik yuꞌun te juriyoetike ba snop skꞌopik te ya yakꞌik ta milel te Jesuse.

San Mateo 5:22

Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

San Marcos 15:1

Sakubix tal kꞌinal a tal stsob sbaik ta xchapel skꞌopik te statal-saserdoteetike sok te moletike sok te maestroetik yuꞌun te mantaliletike sok taspisil te machꞌatik yichꞌojik yaꞌtelike. Jich la xchukik bael te Jesuse. Ba yaꞌbeyik ta skꞌab te Pilatoe.

San Juan 18:28

La yikꞌik lokꞌel te ba sna jCaifas te Jesuse, sok teꞌ ikꞌot bael te ba spalasio te gobierno romanoe. Ya sakubix tal a te kꞌinale. Te juriyoetike ma ochik bael te ba palasioe, yuꞌun la snaꞌik te ya xꞌixtaꞌa skꞌoplalik teme ya xꞌochike, y jich ma spas ya sweꞌik te weꞌelil yuꞌun te kꞌin Pascuae.

Hechos 22:5

Te statal saserdoteetike y spisil te moletike jaꞌ te testigoetik yuꞌun spisil. Stukelik a yaꞌbikon tal kartaetik yuꞌun te kermanotaktik juriyoetik te aylan ta jtejklum Damascoe, y boon, ba jle te hermanoetike yuꞌun ya kikꞌtalan tal liꞌ ba Jerusalene, yuꞌun ya kꞌabe kastigo.