San Lucas 22:42 - Nuevo Testamento Tzeltal de Amatenango

⁴² La yal: —Jtat, teme jich ya skꞌan awoꞌtane, ya xjuꞌ ya akꞌej bael te wokol to. Pero ma me jaꞌuk ya jpas te tut ya skꞌan koꞌtane. Ja me aꞌ pasuk te tut ya skꞌan awoꞌtane —xchi.

Bible in Tzeltal Bachajón

⁴² hich la yal: Jtat, teme hich ya sc'an awo'tan, ma me xc'oht ta jcuenta te copa ini; pero ma me ha'uc ya xc'oht ta pasel te bin ya sc'an co'tan ho'on, ha ac'a c'ohtuc ta pasel te bin ya sc'an awo'tan te ha'ate, xchi.

Bible in Tzeltal de Oxchuc y Tenejapa

⁴² Jich la yal: —Jtat, teme ya sc'an awo'tane, ya xju' ya aq'uejbon bael in woclajel to, ja'uc me to, ma me ja'uc ya jpas te sc'anjel co'tane. Ja' me ya jpas te sc'anjel awo'tane —xi'. [

San Lucas 22:42 ပူးပေါင်းရင်းမြစ်များ

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

San Mateo 11:26

Jich Tat te jich a skꞌan awoꞌtan atukele —xchi.

San Mateo 20:22

La sjakꞌbe te Jesuse: —Ma xꞌanaꞌbe sluwar te tut ya akꞌanike. ¿Meꞌn ya wan xjuꞌ awuꞌunik te wokol te ya yaꞌbelone sok te ilbajinel te ya kichꞌ te joꞌone? —xchi. La yalik: —Yak. Ya xjuꞌ kuꞌuntik —xchiik.

San Mateo 26:39

Been xan bael chꞌinuk te Jesuse. La skejan sba y la stsꞌinan sba koel ta lum sok la skꞌopon Dios. Jich a yal: —Tat, te yauk xjuꞌ te makꞌ xkꞌot ta jkuenta te wokol to, pero ma me jaꞌuk ya xkꞌot te tut ya skꞌan koꞌtane. Jaꞌ me a kꞌotuk te tut ya skꞌan awoꞌtan atukele —xchi.

San Mateo 26:42

Jicha bajt xan ta xchaꞌmelal ta skꞌoponel te Diose. Jich a yal xan: —Tat, teme puersa ya xkꞌax jwokole, a me pasuk te tut ya skꞌan awoꞌtane —xchi.

San Mateo 26:44

Jich a sjileslan xan, y ba skꞌopon xan Dios te yoxmelal. Jicha kꞌo yal te tutꞌil yal ta primero.

San Mateo 6:10

Aꞌ me staix skꞌaalel te ya xꞌochat ta ajwalil. La me pas a tut ya skꞌan awoꞌtan ta balmilal jachik tutꞌil ta chꞌulchane.

San Marcos 14:36

Jich a yal ta skꞌoponel Dios: —Jtat, te spisil ya xjuꞌ awuꞌune, te yakuk akꞌejbon bael te wokol to. Pero ma me jaꞌuk ya xkꞌot ta pasel te tut skꞌan koꞌtane, jaꞌ akꞌa pasuk te tut skꞌan awoꞌtan atukele —xchi.

San Lucas 23:34

Te Jesuse la yal: —Jtat, pasbeya perdon, porke ma snaꞌik te tut ya spasike —xchi. Te soltaroetike lijkik ta tajmal yuꞌun ya yilik te machꞌa ya xkꞌot ta skuenta te skꞌuꞌ-spakꞌ te Jesuse.

San Juan 18:11

Te Jesuse la yalbe te jPedroe: —Sujtesa ochel ta sna te a puñale. ¿Me yuꞌun wan ma puersauk ya xkꞌax jwokol jich te tutꞌil ya skꞌan te jTate te ya yakꞌ kꞌotuk ta jkuenta? —xyut.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Juan 5:30

“Te joꞌone maꞌyuk tut ya xjuꞌ kuꞌun spasel ta jtukel nax. Ya kichꞌ jkuenta jich tutꞌil ya yalbon te Tatile, y toj te ya smeltsaꞌanwanone yuꞌun ma jaꞌuk ya jpas te tut skꞌan koꞌtane. Jaꞌ ya jpasbe sboluntar te Machꞌa te la stikonon tale.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

Hechos 21:14

Te tutꞌil ma juꞌ kuꞌuntik skomele, ma tuti kalbetikix a. La kaltik: —Jaꞌ a pasuk te skꞌanojel yoꞌtan te Kajwaltike —xchotik yuꞌun.