San Lucas 22:36 - Nuevo Testamento Tzeltal de Amatenango

³⁶ Te Jesuse jich a yaltalanbe: —Te ora to te machꞌa ay smorale a me yichꞌ bael, sok teme ay yawil stakꞌine. Y te machꞌa maꞌyuk spuñale, aꞌ xchon te skapae, aꞌ sman junuk a.

Bible in Tzeltal Bachajón

³⁶ Pero yo'tic te mach'a ay sbolsa, ac'a yich' bahel, soc nix schojac'; soc te mach'a mayuc espada yu'un, ac'a schon smuc'ul-c'u', ac'a sman espada a.

Bible in Tzeltal de Oxchuc y Tenejapa

³⁶ La yal te Jesuse: —Yan ta ora to, teme ay ataq'uinique, ich'aic bael, soc uuc teme ay abolsaique. Te mach'a ma'yuc spuñal, ac'a xchon te sc'u'e, ac'a sman spuñal a.

San Lucas 22:36 ပူးပေါင်းရင်းမြစ်များ

San Mateo 10:10

Sok ma me xꞌawichꞌ amoralik, ni ajel-kꞌuꞌ-pakꞌik, ni ajel-wawik, ni anabateꞌik. Te machꞌatik ya xꞌaꞌtejike jich me ya sta sweꞌelik a.

San Lucas 22:35

Te Jesuse la sjojkꞌolambe te jnopojeletike: —Te kꞌalal la jtikonex te makꞌ ya awichꞌik bael amoralike sok te yawil atakꞌinike, ni te ajel-xanabike, ¿me ay palta la awaꞌiyik? —xchi. La yalik: —Maꞌyuk —xchiik.

San Lucas 22:37

Porke ya kalbeyex te puersa ya xkꞌot ta pasel ta jkuenta te tut tsꞌibabil ta Sjun Diose te ya joyin ta ajtayel te jkꞌaxintayej-mantaletike. Yuꞌun spisil ya xkꞌot ta pasel te tut tsꞌibabil jilel jkꞌoplale —xchi te Jesuse.

San Lucas 22:38

Te jnopojeletike la yalik: —Kajwal, liꞌ ay cheb puñal to —xchiik. Y la sjakꞌ te Jesuse: —Teyix a —xchi.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

1 Tesalonicenses 3:4

porke te kꞌalal joyinejtikex to aye, la kalbetikex te puersa ya xkꞌax jwokoltike. Y jich a kꞌot ta pasel, jich tutꞌil ya awilikix.

1 Pedro 4:1

Jaꞌ yuꞌun, jachik tutꞌil kꞌax swokol ta stiꞌbalul te Cristoe, jich euk te jaꞌexe ya skꞌan te junuk awoꞌtanik te ya awilik wokole. Yuꞌun te machꞌa ya xkꞌax swokol ta stiꞌbalule, teꞌ chꞌayix jil a te smule.