San Lucas 22:26 - Nuevo Testamento Tzeltal de Amatenango

²⁶ Pero te jaꞌexe ma me jichuk xꞌapasik. Te jaꞌexe te machꞌa ay ta jkuenta ta awolilike jich me wakꞌ yakꞌ sba te tutꞌil bikꞌit toe. Y te machꞌa ya xmantalteswane jich me wakꞌ spas te tutꞌil te machꞌa ya xmantaltesote.

Bible in Tzeltal Bachajón

²⁶ Pero ma me hichuquex te ha'exe; te mach'a muc' ta awohlilic, hichuc me te bin ut'il ihts'inal, soc te mach'a jpasaw ta mandar, hichuc me te bin ut'il mach'a ay ta a'batinel.

Bible in Tzeltal de Oxchuc y Tenejapa

²⁶ Ma me jichuc xapasic te ja'exe. Te mach'a ya sc'an muc' sc'oplal ya xc'ot ta awolilique, jich me ac'a yac' sba te bit'il mach'a ma'yuc sc'oplal xujt'uque. In te mach'a ya xmandalaje, jich me ac'a yac' sba te bit'il abate.

San Lucas 22:26 ပူးပေါင်းရင်းမြစ်များ

San Mateo 20:26

Ma me ayuk machꞌa jich ay ta awolilik te jaꞌexe. Yan teme ya akꞌan te ya yakꞌelex ta jkuentae, akꞌa me abaik ta abatinel yuꞌun te yane.

San Marcos 10:43

Pero te jaꞌexe ma me apasik jich. Yan teme ya akꞌan te ayat ta kuenta, akꞌa me aba ta abatinel yuꞌun te yanetike.

San Marcos 9:35

Te Jesuse la snajkan sba, la yikꞌ tal te lajchaytul jnopojeletik. Jich a yalbe: —Teme ay machꞌa nail nail ya skꞌan ya xkꞌote, último me skꞌan ya yakꞌ sba, sok a me yakꞌ sba ta mantaltesel sok te sjoꞌtake —xchi.

San Lucas 9:48

Jich a yaltalanbe: —Te machꞌa ya yikꞌ ta sna jich tut alal to, teme joꞌon ta jkuentae, joꞌon a yikꞌon abi. Y te machꞌa ya yikꞌon ta snae, jaꞌ a yikꞌix ta sna euk te machꞌa la stikonon tale. Jaꞌ yuꞌun te machꞌa chꞌin ay ta awolilike, jaꞌ me mukꞌ stukel —xchi te Jesuse. Te machꞌa makꞌ skontrainotike, joytik me abi —xchi.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

1 Pedro 5:3

Ma me jachikukex te batsꞌi ajwalilex yuꞌun te machꞌatik ay ta akuentaik skanantayele, sino ke jaꞌex ya skꞌan ya awaꞌbeyik yilik te tut lek ta pasele.

1 Pedro 5:5

Jichex euk jaꞌex kermetik, chꞌuunbeyaik me smantal te ansianoetik te tutꞌil ay yaꞌtelike. Ta apisilik ya skꞌan talel baeluk ya achꞌuunbey aba amantalik, sok chꞌunulukex me. Porke Dios skontrainej te machꞌatik lom toybaike. Pero ya skoltay sok slekil yoꞌtan te machꞌatik chꞌunul ayike.