San Lucas 22:19 - Nuevo Testamento Tzeltal de Amatenango

¹⁹ Patil la stsak ta skꞌab te waje. La yalbe kola yal Dios yuꞌun. La xetꞌ y la yaꞌbe te jnopojeletike. Jich a yal: —Jaꞌ to jaꞌ jtiꞌbalul te ya kakꞌ entregal ta milel ta akuentaike. Pasulanaik me yuꞌun jnaꞌojibal awuꞌunik —xchi.

Bible in Tzeltal Bachajón

¹⁹ Ha nix hich la stsac te pan, la yalbe wocol Dios yu'un, la xet' soc la spucticlambe, hich la yal: Ha jbaq'uetal ini te ac'bil ta acuentahic; pasahic ta scuenta jna'ojibal, xchi.

Bible in Tzeltal de Oxchuc y Tenejapa

¹⁹ Soc la stsac ta sc'ab te waje. La yalbey wocol Dios yu'un. La xet' soc la yac'bey te jnopojeletique. Jich la yal: —Ja' jbaq'uetal in to, [te ya cac' ta lajel ta awentaic. Jich me xapasulayic swenta jna'jibal awu'unic —xi'.

San Lucas 22:19 ပူးပေါင်းရင်းမြစ်များ

San Mateo 14:19

Y la yaltalanbe te genteetike te ya snajkꞌan sbaik ta stenlejaltike. La stsak ta skꞌab te joꞌpejch waje sok te chaꞌkojt chaye, la skꞌelu moel te chꞌulchane, la yalbe kola yal Dios yuꞌun y la xeꞌtalan te waje. La yaꞌbe ta skꞌab te jnopojeletik yuꞌune y ba spuktalanbe te genteetike.

San Mateo 15:36

La stsak ta skꞌab te jukpejch waje sok te chayetike, la yalbe kola yal Dios yuꞌun. La xeꞌtalan, la yaꞌbe te jnopojeletik yuꞌune y ba spukbeyik te genteetike.

San Lucas 22:17

Jicha stsak ta skꞌab te basoe y la yalbe kola yal Dios yuꞌun te yaꞌlel ubae. La yal: —Awil to, uchꞌaik, y puka abaik a.

San Lucas 22:20

Jich mismo a spas sok te basoe te kꞌalal lajix yoꞌtanik ta weꞌel ae. Jich a yal: —Te yaꞌlel uba to jaꞌ te jchꞌichꞌel te ya sta yip a te achꞌ tratee. Jaꞌ te jchꞌichꞌele te ya yichꞌ malel ta akuentaik yuꞌun te akolelik te jaꞌexe.

San Lucas 24:30

Te kꞌalal ayikix ta mexa ae la stsak ta skꞌab te waje y la yalbe kola yal Dios yuꞌun. La xetꞌ y la yaꞌbe.

San Juan 6:23

Pero jtsꞌin to nax a ay yan barkoetik a laj kꞌot te lijk tal ta jtejklum Tiberiase. Teꞌ laj kꞌot te ba luwar te nopol nax ay a ba la sweꞌik waj te la yalbe kola yal Dios yuꞌun te Kajwaltike.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

1 Corintios 10:16

Te kꞌalal ya kuchꞌtik te tut ay ta chꞌul baso te ya kalbetik kola yal a te Diose, jich ya kakꞌtik ta ilel te tutꞌil jun nax kꞌoemotik sok Cristo ta skuenta te xchꞌichꞌele. Te kꞌalal ya jweꞌtik te waj te ya xatꞌ jbajtik aye, jich ya kakꞌtik ta ilel te tutꞌil jun nax kꞌoemotik sok Cristo ta skuenta te stiꞌbalule.

1 Corintios 10:4

Y spisilik a yuchꞌik te jaꞌ a aꞌbot yuꞌun te Diose. Porke la yuchꞌik te jaꞌ te lokꞌ tal ta tone te jaꞌ joyinbilik yuꞌune. Y te tone jaꞌix te Cristoe.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 4:25

Yuꞌun te xꞌAgare pajal sok te wits Sinai te ay ta Arabiae. Sok jaꞌ pajal kꞌoem sok te ora to te mukꞌul jtejklum Jerusalen, te jun nax ayik ta mosoil sok te yuntikile.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

1 Tesalonicenses 5:18

Albeyaik kola yal Dios yuꞌun ta spisil, porke jich ya skꞌan yoꞌtan stukel te Diose te tutꞌil achꞌuunejik te Cristo Jesuse.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.