San Lucas 21:37 - Nuevo Testamento Tzeltal de Amatenango

³⁷ Te Jesuse nojpeswan jujun kꞌaal ta templo, y ta ajkꞌubal xba wayuk ta wits te Olivailtik sbiile.

Bible in Tzeltal Bachajón

³⁷ Jujun c'ahc'al la ya'iy p'ijubteswanej ta Templo te Jesús, ta ahc'abal loc' bahel, baht ta wayel ta Wits yu'un Olivohetic sbihil.

Bible in Tzeltal de Oxchuc y Tenejapa

³⁷ Jujun c'aal la yaiy p'ijubteswanej ta templo te Jesuse. Ta ajc'ubal ba wayuc ta bay Wits Olivailtic.

San Lucas 21:37 ပူးပေါင်းရင်းမြစ်များ

San Mateo 21:1

Nopol xkꞌotikix ta Jerusalen a, och kꞌoel ta chꞌin jtejklum Betfage sbiil te ba wits Olivailtike. Te Jesuse la stikon bael chaꞌtul te jnopojeletik yuꞌune.

San Mateo 21:17

Y la sjileslan y bajt ta jtejklum Betania. Teꞌ kꞌax ajkꞌubal yuꞌun a.

San Mateo 26:30

Te kꞌalal laj yoꞌtanik ta skꞌayojinel te Diose, bajtik ta wits Olivailtik.

San Mateo 26:55

Jich a sjojkꞌolanbe te genteetik te talemik ta tsakawe: —¿Me yuꞌun jꞌelekꞌon te tal atsakikon sok apuñalik sok ateꞌike? Jujun kꞌaal ayon ta pꞌijuteswane ta templo y ma la atsakikon teꞌa.

San Marcos 11:12

Ta yan kꞌaal lokꞌik bael ta Betaniae. Ben xwiꞌnaj te Jesuse.

San Marcos 11:19

Kꞌalal te ya xꞌikꞌubix a te kꞌinale, te Jesus sok te jnopojeletik yuꞌune lokꞌik bael te ba mukꞌul jtejklume.

San Marcos 14:49

Jujun kꞌaal la jnojpesex ta templo y ma la atsakonik teꞌa. Jaꞌ jich ya xkꞌot ta pasel te tutꞌil tsꞌibabil jilel ta Sjun te Diose —xchi te Jesuse.

San Lucas 19:29

Te kꞌalal la sta te wits Olivailtik sbiile te nopol ay sok te Betfage sok Betaniae, la stikon bael chaꞌtul te jnopojeletik yuꞌune.

San Lucas 19:37

Te kꞌalal nopol ya staix bael a te koel yuꞌun wits Olivailtike, spisil te machꞌa tsꞌaklibil yuꞌune lijkik ta aw yuꞌun sbujts yoꞌtanik. Ya yalbeyik kola yal Dios yuꞌun te milagroetik te ya yilike,

San Lucas 19:47

Jujun kꞌaal te Jesuse nojpeswan ta templo. Te statal saserdoteetike sok te maestroetik yuꞌun te mantaliletike sok euk te stataletik yuꞌun te jtejklume yipalik ta sleel tutꞌil ya smilik te Jesuse.

San Lucas 22:39

Te nax a te Jesuse lokꞌ bael. Jich tutꞌil te kꞌayem ta spasele bajt ta wits Olivailtik. Y te jnopojeletike la stsꞌakliyik bael.

San Juan 12:1

Wakeꞌ xan kꞌaal skꞌan a te kꞌin Pascuae, te Jesuse bajt ta Betania te ba ay te jLazaro te chaꞌkuxesot te ba animaetike.

San Juan 18:2

Jich euk te Judas, te akꞌawan-entregale, yiloj ba ay te chꞌin luware, porke te Jesuse beno stsobilan sbaik teꞌa sok te jnopojeletik yuꞌune.

Hechos 1:12

Jich a sjilesik te Wits Olivailtik sbiile, sujtik bael ta Jerusalen te apostoletike. Te nopol nax ay soke, jich snajtꞌil a beenik bael te tutꞌil ya spas xbeenik ta skꞌaalel kuxo-oꞌtane.