San Lucas 21:36 - Nuevo Testamento Tzeltal de Amatenango

³⁶ Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

Bible in Tzeltal Bachajón

³⁶ Ha yu'un wihc'a me asitic, c'oponahic Dios spisil ora scuenta yu'un ma ba ya xc'oht ta acuentahic spisil te bintic ya xc'oht ta pasel, soc yu'un hich ya xhu' yac atehc'an abahic ta stojol te Nich'anil ay ta scuenta winic, xchi te Jesús.

Bible in Tzeltal de Oxchuc y Tenejapa

³⁶ Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

San Lucas 21:36 ပူးပေါင်းရင်းမြစ်များ

San Mateo 24:42

“Jaꞌ yuꞌun te jaꞌexe, wikꞌa me asitik, yuꞌun ma xꞌanaꞌik tut ora xtalon joꞌon te awajwalonike.

San Mateo 24:43

Jich me xꞌanaꞌik to: Te yajwal nae te yauk snaꞌbe sluwar te tut ora ajkꞌubalil ya xkꞌot te jꞌelekꞌe, xkuxoj yoꞌtan te jichuke, sok maꞌyuk machꞌa ya yakꞌ ochel ta sna te ya xꞌelkꞌanbot bael te stutik yuꞌune.

San Mateo 24:44

Jaꞌ yuꞌun te jaꞌexe, chapalukex me ta maliwanej, yuꞌun kꞌalal ma chapalukex ae, jich ora ya xtal te Nichꞌanile.

San Mateo 25:13

“Jaꞌ yuꞌun te jaꞌexe, kuxuluk me awoꞌtanik, yuꞌun ma xꞌanaꞌik tut ora ni te tut kꞌaalil ya xtal te Nichꞌanile —xchi te Jesuse.

San Mateo 26:41

Wikꞌa me asitik, kꞌoponaik me Dios yuꞌun. Jich me makꞌ ya ataik il-oꞌtantayel yuꞌun te pukuje. Porke ay spuersa te awoꞌtanike. Jaꞌ nax te atiꞌbalulik te maꞌyuk yipe —xchi.

San Mateo 8:20

La sjakꞌ te Jesuse: —Te soroetike ay snaik ta chꞌen, sok te teꞌtikil mutetike aylan xpechechik stukelik. Yan te Nichꞌanile ma sta ba ya xway kꞌael —xchi te Jesuse.

San Marcos 13:33

“Jaꞌ yuꞌun ma me wayanik. Wikꞌiluk me asitik, y kꞌoponaik me Dios, porke ma xꞌanaꞌik te tut ora ya xkꞌot te yoraile.

San Marcos 13:37

Ya kalbeyex te jaꞌexe sok te yanetike: Wikꞌiluk me asitik ta sil tiempo —xchi te Jesuse.

San Lucas 1:19

Te chꞌul ángele la sjakꞌ: —Joꞌon Gabrielon te ayon ta abatinel yuꞌun te Diose. Stukel a stikonon tal ta atojol yuꞌun tal kalbeyat te tut lek ya xꞌkot ta pasel ta atojole.

San Lucas 18:1

Te Jesuse la yaltalanbe jun seña-kꞌop yuꞌun jich aꞌ snopelan te ya skꞌopon Dios sil tiempoe, sok te makꞌ xcheꞌbaj yoꞌtanike.

San Lucas 20:35

Pero te machꞌatik lek ya xꞌilot yuꞌun Dios te ya xjuꞌ ya xkꞌoik te ba lekil lum te ya xchiknaj ta patile te kꞌalal ya xchaꞌkux tal te winketike o te antstike, makꞌ me xnujpunikix a,

San Lucas 21:35

Ma me jichukex te tutꞌil machꞌa chꞌayem yoꞌtan ya xko ta strampae. Porke ya me xkꞌot ta skuenta spisil genteetik ta balmilal.

Hechos 10:2

Ben jun yoꞌtan xchꞌuunej te Diose sok spisil te machꞌa ay yuꞌun ta snae. Sok bayal ya skꞌeben stakꞌin ta skoltayel te juriyoetike, y sil tiempo ya skꞌopon te Diose.

1 Corintios 16:13

Kuxa me awoꞌtanik y junuk me awoꞌtanik ta xchꞌuunel te Cristoe. Pasaik me winikil, y ayuk me spuersa awoꞌtanik.

2 Corintios 4:14

Porke jnaꞌojtik te Diose, te la chaꞌkuses tal te ba ay te animaetik te Kajwaltik Jesuse, jich me ya xchaꞌkusesotik tal sok te Jesuse, y jun nax ya yikꞌotik bael ta ba aye.

Colosenses 4:2

Ma me xꞌakom abaik ta skꞌoponel te Diose. Siluk me tiempo kuxul awoꞌtanik sok albeyaik kola yal te Diose.

1 Tesalonicenses 5:17

Ma me xꞌakom abaik ta skꞌoponel te Diose.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

1 Pedro 4:7

Nopolix ya xtal slajibal ta spisil te tutik aye. Jaꞌ yuꞌun, te jaꞌexe naꞌaik me tutꞌ ayex y kuxa me awoꞌtanik ta skꞌoponel Dios.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

1 Juan 2:28

Te ora to, kuntikil, jun nax xꞌanex sok te Cristo ta jmel nax. Yuꞌun me jun koꞌtantik a te kꞌalal ya xchiknaj tale, y jich makꞌ jtajtik kꞌexlal ta sit stukel te kꞌalal ya xtale.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.

Apocalipsis 11:4

Te cheb testigoetik to jaꞌ te chaꞌwol oliba teꞌe y sok te chaꞌchꞌix yawil kꞌajkꞌ te ay ta stojol Kajwaltik ta balmilale.

Apocalipsis 6:17

Porke la staix skꞌaalel te tulan kastigoe, ¿y machꞌa kꞌan juꞌuk yuꞌun? xchiik.

Apocalipsis 7:9

Ta patil la kil bayal genteetik yuꞌun te nasionetik te skajalskaj stsꞌumbale, sok yanetik tutꞌ xkꞌopojik, y sok yanetik slumalik. Tekꞌajtik ta sit te ba ay te mukꞌul naktajibale y ta sit te Chꞌin Karnerae. Lom bayalik, te maꞌyuk machꞌa ya xjuꞌ yuꞌun yajtayele. Sak skꞌuꞌ-spakꞌ yichꞌojik y yichꞌojik bael yaꞌnimal xan ta skꞌabik.

Apocalipsis 8:2

Teꞌ nax a la kil jukeb angeletik te tekꞌajtik ta sit te Diose. Akꞌtalanbot jukeb kornetaetik.