San Lucas 21:28 - Nuevo Testamento Tzeltal de Amatenango

²⁸ Te kꞌalal ya xlijk kꞌotuk ta pasel te tutik to, ma me xiꞌanik. Jacha me ajolik, yuꞌun nopolix te akolelike —xchi te Jesuse.

Bible in Tzeltal Bachajón

²⁸ Te c'alal hich yaquix ta c'ohel ta pasel a, tehc'ana abahic soc toya ajolic, como nopolix te colel awu'unique, xchi.

Bible in Tzeltal de Oxchuc y Tenejapa

²⁸ Teme jajch' ta chicnajel te señailetique, toj me x'atejc'an abaic. Toya ajolic yu'un nopolix tel te acolelique —xi' te Jesuse.

San Lucas 21:28 ပူးပေါင်းရင်းမြစ်များ

San Lucas 13:11

Ay jtul ants teꞌa te ayix diesiocho jaꞌbil te ay chamel ta stiꞌbalule te kꞌujanbil spat yuꞌun pukuj te ma spas ya xjach sbae.

San Lucas 18:7

Jaꞌ yuꞌun te Diose, ¿meꞌn ma wan yauk skoltay te machꞌatik tsabil yuꞌune te ya swulilan ta kꞌajkꞌal ajkꞌubale? ¿Me ya to wan smali te ya xkoltaywane?

San Lucas 21:29

Sok ay tuti yaltalanbe ta seña-kꞌop: —Kꞌeluya awilik te ikuxe sok te yanetik teꞌetike.

Romanos 8:19

Sok te tutik spasoj te Diose jun yoꞌtan yipal ta smaliyel te tut ora ya xchiknatesot te machꞌatik yal-xnichꞌan te Diose.

Romanos 8:23

Y ma jaꞌuk nax ay swokol te tut spasoj te Diose; jich euk te joꞌotike ayotik ta wokol, aunke kikꞌojtikix te Espiritue te ja seña te jayeb to ya yaꞌbotik te Diose. Lom ayotik ta wokol ta smaliyel te tut ora yal-xnichꞌanotik Dios ya xkꞌootike. Jich me ya xkolotik sok a te jtiꞌbalultike.

Efesios 1:14

Te Chꞌul Espiritue jaꞌ seña te ya kichꞌtik te majtanil te Dios ya yaꞌbotik kꞌalal ya stsꞌakay te machꞌatik ya yichꞌ koltayel yuꞌune. Yuꞌun jich me ya kalbetik te slekilale.

Efesios 4:30

Ma me awakꞌik ta ajtal-oꞌtan te Chꞌul Espíritu yuꞌun te Diose. Yuꞌun ja amarkaik aꞌbilex te ya xchiknates te batsꞌi yuꞌunex te Diose, jaꞌ to te tut kꞌaalil te ya yaꞌbeyex te akolelike.