San Lucas 21:23 - Nuevo Testamento Tzeltal de Amatenango

²³ Oꞌol me sbaik te antstik te ay tut staoj ae o teme ay xchꞌin yal te ya to xchuꞌun ae. Porke ya me xtal bayal wokol ta balmilal sok tulan kastigo ta stojol te jtejklum to.

Bible in Tzeltal Bachajón

²³ Pero ¡obol sbahic te antsetic te swoloj yalic soc te mach'atic chu' to yalic a! Como ya me xtal bayel wocol ta bahlumilal soc ya xc'oht ilimba ta stojol te pueblo ini.

Bible in Tzeltal de Oxchuc y Tenejapa

²³ ¡Obol me sbaic te antsetic te yic'ojic alal ta xch'ujt'ique, soc te ay chu'ul-alaletic yu'unique! Yu'un ya me xtal bayal woclajel ta balumilal soc tulan castigo yu'un Dios ta stojol in lum to.

San Lucas 21:23 ပူးပေါင်းရင်းမြစ်များ

San Mateo 21:16

Jich te saserdoteetik la yalbeyik te Jesuse: —¿Me ya awaꞌibe sluwar te tut yipalik ta yalel te chꞌin untike? —xchiik. La sjakꞌbe te Jesuse: —Yak, ya kaꞌi. ¿Meꞌn maꞌyuk awilojik ta Sjun Dios te jich ay skꞌoplal to te jich tsꞌibabil?: “Te skꞌayoj te chꞌin untike sok te chꞌin alaletik te ya to xchuꞌunej ya yalik te ben tsaꞌam ta kꞌayojinel te achꞌul-biile”, xchi me —xchi te Jesuse.

San Mateo 21:41

La sjakꞌik: —Ya me xtal smil jilel te jꞌaꞌteletike te ma tsaꞌamuk yoꞌtanik, sok ay me yan jꞌaꞌteletik te ya yaꞌbey smajan te slume te jaꞌ ya snaꞌik yaꞌbeyel slojkꞌil te jujun kosecha te jayeb ya xlokꞌ te yubae —xchiik.

San Mateo 21:44

Te ton te ya kale, tem ay machꞌa ya xtꞌuxaj ta sbae, teꞌ me xkꞌo pꞌuyuk a. Yan teme ya xtenot yuꞌun te tone, mel nax me polvo ya xjil yuꞌun —xchi te Jesuse.

San Mateo 24:19

Oꞌol me sbaik te antstike te ay tut staojik sok teme ay xchꞌin yalik te ya to xchuꞌune.

San Marcos 13:17

Ay me swokolik te antsetik te ay tut staojike sok teme ay xchꞌin yalik te ya to xchuꞌune.

San Lucas 19:27

Yan te machꞌatik skontrainejone te ma skꞌanik te ya xꞌochon ta reyil ta stojolike, ikꞌbikon tal liꞌ to, y milaik ya kil ta jsit”, xchi te reye —xchi ta yalel te Jesuse.

San Lucas 19:43

Yuꞌun ya me sta skꞌaalel te ma tsaꞌamuke, kꞌalal ya me xtal te akontraike, y ya me xtal sjoyat, ya me xtal smakelex ta jejch ta jejch,

San Lucas 23:29

Porke ya me sta skꞌaalel te jich ya xꞌalote: “Ben tsaꞌam slekil te machꞌa ma xꞌalajike, sok euk te machꞌa ma xchuꞌunbot xchuꞌike.”

1 Corintios 7:26

Te joꞌone lek ya kaꞌiy te jichuk ya xjil te winik te tutꞌil aye. Pero ta skaj te tiempo te wokolix ya xkuxuyinotike,

1 Tesalonicenses 2:16

Yuꞌun te kꞌalal kꞌan kalbetik te machꞌatik ma juriyouk yuꞌun jich me ya xkolik ekꞌa, maꞌ yaꞌbotik jpastik. Jich yanyan yipal ta bayalejel te smulike. Pero te ora to julix ta stojolik te tulan kastigo yuꞌun Dios.

Hebreos 13:16

Ma me achꞌay ta awoꞌtanik ta spasel te tut leke sok ta spukel ta yan te tut ay awuꞌunike. Porke jaꞌ to, jaꞌ chikꞌbil majtaniletik te lek ya yil te Diose.

Santiago 5:1

Aꞌiya awaꞌiyik to, jaꞌex te jkꞌulejexe: Okꞌanik y awunanik yuꞌun te ya xba ataik paltae sok te ya xba ata awokolike.

1 Pedro 4:17

Yuꞌun la staix yorail te ya xlijkix ta chapel te machꞌatik batsꞌi yuꞌun te Diose. Y teme nail ya xlijk te ba ayotik te joꞌotike, ¿tutꞌil ay slajibal te machꞌatik maꞌ xchꞌuunik te achꞌ kꞌop yuꞌun Diose?