San Lucas 21:19 - Nuevo Testamento Tzeltal de Amatenango

¹⁹ Junuk me awoꞌtanik; yuꞌun jich me ya xkolex.

Bible in Tzeltal Bachajón

¹⁹ Ta scuenta bin ut'il ya xcuhch awu'unic, hich ya xcol ach'uhlelic yu'un.

Bible in Tzeltal de Oxchuc y Tenejapa

¹⁹ Teme cujch' awu'unique, jich me ya xcol ach'ulelic.

San Lucas 21:19 ပူးပေါင်းရင်းမြစ်များ

San Mateo 10:22

Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

San Mateo 24:13

Yan te machꞌa ya xjuꞌ yuꞌun kꞌalal ta slajibale, ya me xkol.

San Lucas 8:15

Yan te tsꞌunubil te kꞌot ta lekil lume, jaꞌ skꞌoplal te machꞌatik ben jun yoꞌtanik ta xchꞌuunel te skꞌop Diose, sok ya yaꞌtelin spasel te tut ya yaꞌiye, y ben jun yoꞌtanik. Ya me sitin ta lek ta yoꞌtanik te skꞌop Diose.

Romanos 15:4

Spisil te nail albil ta Sjun te Diose la yichꞌ tsꞌibayel yuꞌun jpꞌijuteseltik. Yuꞌun jich me ay spuersa koꞌtantik y sok ya sjunutesbotik koꞌtantik te jich ya jtajtik a te ay tut ya jmalitike.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

Romanos 5:3

Y ma jaꞌuk nax to. Jun koꞌtantik yuꞌun euk te ayotik ta wokole, porke jnaꞌojtik te wokole mas ya yaꞌbotik spuersa koꞌtantik a.

Romanos 5:4

Y te spuersa koꞌtantik jaꞌ ya yakꞌotik a te lek ya xkꞌootik ta stojol te Diose. Y teme lek ya xkꞌootik ta stojol Diose, jich ya yaꞌbotik spuersa koꞌtantik ta smaliyel.

Romanos 8:25

Pero teme ya jmalitik te ma to jaꞌuk te chikan ya kiltike, ya to me skꞌan te junuk me koꞌtanik ta smaliyel.

1 Tesalonicenses 1:3

Maꞌyuk ya jkom jbajtik ta snaꞌulanelex ta stojol te Jtatik Diose te tutꞌil bayal xchꞌuunel awoꞌtanik aꞌtejemexix te jaꞌexe, sok te tutꞌil bayal slekil awoꞌtanik la awakꞌ abaik ta abatinele, y sok te tutꞌil yipalex ta smaliyel te Kajwaltik Jesucristoe te la skoltayex te juꞌ awuꞌunik te kujch awuꞌunik te wokoletike.

2 Tesalonicenses 3:5

A me yaꞌbeyex anaꞌik te Kajwaltik te tutꞌil ay skꞌuxul yoꞌtan te Diose, sok te tutꞌil kujch yuꞌun swokol te Cristoe.

Hebreos 10:36

Te jaꞌexe puersa ya skꞌan xjuꞌ awuꞌunik te wokole, yuꞌun jaꞌ ya apasik te tut ya skꞌan yoꞌtan te Diose y jich ya awichꞌik te tut a te stukel yaloje.

Hebreos 6:11

Pero jaꞌ ya jkꞌantik te ta juju-tulex te sigue ya awakꞌik ta ilel te jun awoꞌtanike jaꞌ to ta slajibal kꞌaal, yuꞌun tsꞌakal me ya ataik te tut yipalex ta smaliyele.

Hebreos 6:15

Te jAbrahame jun yoꞌtan a smaliy, y la yichꞌ te tut albil yuꞌun te Diose.

Santiago 1:3

Yuꞌun anaꞌojikix te kꞌalal ya spasot ta prewa te xchꞌuunel awoꞌtanike, mas me ya sta spuersa awoꞌtanik a te jun awoꞌtan ya xkujch awuꞌunike.

Santiago 1:4

Pero oꞌtantayaik te ya awichꞌik spuersa awoꞌtanik. Jich me tsꞌakal jun awoꞌtanik ya xkꞌoex a, sok ma me ayukix tut palta awuꞌunik a.

2 Pedro 1:6

sok te yakuk anaꞌ tutꞌ ya akom abaike, sok te ya xkujch awuꞌunik, sok te junix awoꞌtanik ta stojol Dios,

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 13:10

Te machꞌatik ay ta skuenta ya yichꞌ chukele, ya me xbajtik ta chukel. Sok te machꞌatik ay ta skuenta ya yichꞌ milel ta puñal, ya me yichꞌ milel ta puñal”, xchi. Jaꞌ yuꞌun, te machꞌatik yuꞌunik te Diose, ya me skꞌan te ayuk spuersa yoꞌtan sok te junuk me yoꞌtan xchꞌuunej te Diose.

Apocalipsis 14:12

Jaꞌ yuꞌun te machꞌatik yuꞌunik te Diose sok te machꞌatik ya xchꞌuunbeyik te mantaliletik yuꞌun y te sigue jun yoꞌtanik ta stojol te Jesuse, ya skꞌan te ayuk yip yoꞌtanike.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.