San Lucas 20:16 - Nuevo Testamento Tzeltal de Amatenango

¹⁶ Ya me xtal smil jilel te jꞌaꞌteletike, y ya me yakꞌ ta kanantayel ta yan te ubailtik yuꞌune —xchi te Jesuse. Te machꞌatik la yaꞌiyike la yalik: —Ma wan jichuk ya skꞌan te Diose —xchiik.

Bible in Tzeltal Bachajón

¹⁶ Ya me xtal smil te j'a'teletic, yantic mach'a ya ya'be scuentahin te sts'usubile, xchi te Jesús. C'alal hich la ya'iyic: ¡Dios ac'a te ma hichuc ya xc'oht ta pasel! xchihic yu'un.

Bible in Tzeltal de Oxchuc y Tenejapa

¹⁶ Ya calbeyex te ya me xtal smil jilel te j'at'eletique, soc yantic me ya yac'bey swentain te ts'usubiltic yu'une —xi' te Jesuse. Te mach'atic la yaiyic stojole la yalic: —¡Ma jichuc ya sc'an te Diose! —xiic.

San Lucas 20:16 ပူးပေါင်းရင်းမြစ်များ

San Mateo 21:34

“Kꞌalal la staix yora ta tulel sit te yubae, la stikon yaj-mantal ta skꞌanel ta stojolik te jayeb slojkꞌil te slume.

San Mateo 21:41

La sjakꞌik: —Ya me xtal smil jilel te jꞌaꞌteletike te ma tsaꞌamuk yoꞌtanik, sok ay me yan jꞌaꞌteletik te ya yaꞌbey smajan te slume te jaꞌ ya snaꞌik yaꞌbeyel slojkꞌil te jujun kosecha te jayeb ya xlokꞌ te yubae —xchiik.

San Mateo 22:7

“Te reye ma tebuk a ilin yuꞌun. Jich a stikon bael soltaroetik yuꞌun ba smilik te jmilawetike sok la xchikꞌbeyik te slumalike.

San Marcos 12:9

“¿Tut me ya spas te yajwal tsꞌusubiltike? Ya kalbeyex te ya me xtal smil jilel te aꞌteletike, sok ay me yan aꞌteletik ya yaꞌbey jilel ta skuentaik.

San Lucas 19:27

Yan te machꞌatik skontrainejone te ma skꞌanik te ya xꞌochon ta reyil ta stojolike, ikꞌbikon tal liꞌ to, y milaik ya kil ta jsit”, xchi te reye —xchi ta yalel te Jesuse.

San Lucas 20:15

Jich yuꞌun la slokꞌesik bael ta ba ubailtike y la smilik. “¿Tut me ya xjul pasbek ya awaꞌiyik yuꞌun te yajwal ubailtike?

Hechos 13:46

Jich te jPablo sok te jBernabee lijk yalbeyik ta jamal: —Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke.

Romanos 11:1

Jich ya jojkꞌoy te ora to: “¿Me yuꞌun wan jkꞌaxel a xchꞌojix jilel te israeletik te Diose?” xchion. Ma jichuk. Joꞌon mismo israelon euk, stsꞌumbalon te jꞌAbrahame y sok te jtijk stsꞌumbal te jBenjamine.

Romanos 11:11

Te ora to ya jojkꞌoy: “¿Me yuꞌun wan jmel nax a laj yal te juriyoetike?” xchion. Ma jichuk. Ta skaj te maꞌ xchꞌuunik te juriyoetike, te yan jtejklume jich a staikix te kolele, yuꞌun te israeletike ya me xlaj ilinik yuꞌun.

Romanos 3:31

¿Me yuꞌun ta skaj te la jchꞌuuntikixe te ma baleuk ya xkꞌot kuꞌuntik te mantaliletike? Ma jichuk. Mas lek xan te ay spuersa te mantaliletik yuꞌune.

Romanos 3:4

¡Maꞌuk! Ma jichuk. Te Diose jmel nax yaloj te tut batsꞌi jiche, aunke spisil winketik ya sleik lot. Yuꞌun jich ya yal te Sjun Diose: “Jamal me ya xchiknaj te batsꞌi jich te tut ya awale, y jich me ya xjuꞌ awuꞌun te kꞌalal ya awichꞌ chapele”, xchi me.

Romanos 3:6

Maꞌuk. Porke jichuk ma tojuk te Diose, ¿tut kꞌan juꞌuk yuꞌun te ya yichꞌbe jkuenta smulik spisil te gente ta balmilale?

Romanos 6:15

¿Tutꞌil ay teme jich te? ¿Me ya xmulawotik xan porke maꞌba kuxulotik ta skuenta te mantaliletike, jaꞌ kuxulotik ta skuenta te slekil yoꞌtan te Diose? Batsꞌi ma jichuk.

Romanos 6:2

¡Ma jichuk! Joꞌotik te lajemotikix yuꞌun te mulile. ¿Tut me kꞌan kuxuyinukotik xan teme puru mulil ayotike?

Romanos 7:13

¿Me yuꞌun ya yikꞌon bael ta lajel te tut a te leke? Ma jichuk. Jaꞌ la yakꞌon ta lajel stukel te mulile. Teꞌ chiknaj ta ilel a te ma lekuk te mulile, yuꞌun la yakꞌon ta lajel ta skuenta te tut leke. Ta skuenta te mantaliletike, jamal a yakꞌ ta ilel te ma tsaꞌamuk te lom tulan te mulile.

Romanos 7:7

¿Tut xchootik yuꞌun? ¿Me mulil te mantaliletike? Ma jichuk. Pero te jichuk maꞌyuk te mantaliletike, ma jnaꞌtik tutik a te mulil te jichuke. Ma jnaꞌtik tut a te ya skꞌupin koꞌtantike teme ma xyal te mantalile: “Mame xꞌakꞌupin”, te xchie.

Romanos 9:14

¿Me jich wan ya kaltik te ma tojuk te Diose? ¡Ma jichuk!

1 Corintios 6:15

¿Me yuꞌun ma anaꞌojikuk te jaꞌexe te atiꞌbalulik te jaꞌ yok skꞌabinej te Cristoe? ¿Y me ya spas te ya kichꞌbey te yok skꞌabinej Cristo, y ya xba kaꞌbe sta te stiꞌbalul jtul jmulawil antse? Ma lekuk.

Gálatas 2:17

Pero teme jaꞌ libre ya xkꞌootik yuꞌun jmultik ta skuenta nax te Cristoe, tey ya xchiknaj a te pajal jmulawilotik sok te yanetike, ¿Me yuꞌun jich ya yakꞌ xmulawotik te Cristoe? Ma jichuk.

Gálatas 3:21

¿Me jaꞌ ya skꞌan xyal te mantaliletik yuꞌun jMoises te jaꞌ skontrainej te tutik sjapoj te Diose? Ma jichuk. Porke te mantaliletik te yauk yakꞌ kuxlejale, jich ya xjuꞌ te libre ay yuꞌun smul te machꞌa jich ya spas te tut ya yal te mantaliletike.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.