San Lucas 2:9 - Nuevo Testamento Tzeltal de Amatenango

⁹ Ora chiknaj tal ta stojolik jtul chꞌul ángel yuꞌun te Kajwaltike. Xlemet julel xojobil te Kajwaltik ta sjoylejal te ba ayike. Beno xiꞌik yuꞌun.

Bible in Tzeltal Bachajón

⁹ Chicnaj ta stojolic jtuhl ch'ul a'bat yu'un Dios, te sts'anabul Dios hul stihltes sba ta sjoyobalic; bayel xiwic yu'un.

Bible in Tzeltal de Oxchuc y Tenejapa

⁹ Chicnaj tel ta stojolic jtul ch'ul abat yu'un te Cajwaltique. Lem tel xojobil Cajwaltic ta sjoyobalic. Bayal xiwic yu'un.

San Lucas 2:9 ပူးပေါင်းရင်းမြစ်များ

San Mateo 1:20

Te kꞌalal jich snopoj spasix ae, ta xwayuch la yil jtul chꞌul ángel yuꞌun te Kajwaltike. Jich a albot yuꞌun: —Jose, te stsꞌumbalat te jDavide, ma me xiꞌan te ya awikꞌ awinamin te xMariae. Yuꞌun te xchꞌin yal te yikꞌoje jaꞌ ta skuenta te Chꞌul Espiritue.

San Lucas 1:28

Te kꞌalal och kꞌoel te chꞌul ángel te ba ay te xMaria, jicha kꞌo yalbe: —Xkoltanukat, jaꞌat te kꞌuxutaybilat yuꞌun te Diose. Te Kajwaltike sjoyinejat. Maꞌyuk yan ants jich aꞌbil bendision ta stojol te tutꞌilate —xchi.

San Lucas 2:8

Nopol ta jtejklum Belen ay jkanan-karneraetik. Spꞌejel ajkꞌubal yipalik ta skanantayel skarneraik ta stenle.

San Lucas 24:4

Ben xlaj xiꞌ yuꞌun, ni ma snaꞌ tut ya spasik. Toj nax la yilik teꞌa cheb winketik te tekꞌajtik ta stsꞌeelike. Te skꞌuꞌ-spakꞌe xlemlajet nax.

San Juan 12:41

Te jꞌIsaiase jich a yal to, porke yilojbe slekil te Jesuse, sok jaꞌ mismo te la yalbe skꞌoplale.

Hechos 12:7

Ora nax a chiknaj tul chꞌul ángel yuꞌun te Kajwaltike, y te yutil prexoe noj ta xojobil. Te chꞌul ángele la slowbe skostiya te jPedroe, y la yalbe: —Jajchan ta ora —xyut. Mismo ora a te kadenaetik te ay ta skꞌab te jPedro xpojlajan koel.

Hechos 27:23

Yuꞌun ta ajkꞌubal la kil jtul ángel, tikonbil tal yuꞌun Dios, te jaꞌ ayon ta skuentae sok te ya xtuunon yuꞌune.

Hechos 5:19

Pero jtul chꞌul ángel yuꞌun te Kajwaltike ta ajkꞌubal a tal sjeꞌ te puerta yuꞌun prexoe, y la yiktalan lokꞌel, y la yaltalanbe:

2 Corintios 3:18

Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

Hebreos 12:21

Xiꞌbentik sba te tut la yilike. Jaꞌ mismo a yal te jMoisese: “Ben smeton sik yuꞌun xiꞌel ya kaꞌiy”, xchi.

Apocalipsis 18:1

Ta patil to la kil jtul xan ángel te yipal tal ta koel ta chꞌulchane. Tulan yichꞌoj yaꞌtel, y te balmilal sakub kꞌinal yuꞌun te xojobile.

Apocalipsis 20:11

La kil jun mam mukꞌul sakil naktajibal, y te machꞌa teꞌ nakal aye. Ta sit lokꞌ bael ta anel ta stojol te chꞌulchan sok te balmilale, y ni maꞌ ba staikix sluwarik a.