San Lucas 2:49 - Nuevo Testamento Tzeltal de Amatenango

⁴⁹ La sjakꞌ te Jesuse: —¿Tuꞌun te ya aleikone? ¿Me yuꞌun ma xꞌanaꞌik te ya skꞌan ya kaꞌtelin te tut ay yuꞌun te Jtate? —xchi te Jesuse.

Bible in Tzeltal Bachajón

⁴⁹ Ha yu'un hich halbotic yu'un te Jesús: ¿Bin yu'un yac alehbelonic? ¿Yu'un bal ma xana'ic te ya sc'an te ya jpasbe ya'tel te Jtate? xchi yu'un.

Bible in Tzeltal de Oxchuc y Tenejapa

⁴⁹ La yal te Jesuse: —¿Bistuc te yacalex ta leawe? ¿Yu'un bal ma x'ana'ic te ya sc'an ya cat'elin te bila ay yu'un te Jtate? —xi' te Jesuse.

San Lucas 2:49 ပူးပေါင်းရင်းမြစ်များ

San Mateo 21:12

Te Jesuse och bael te ba mukꞌul templo, la sten lokꞌel spisil te machꞌatik yipal ta chonbajel y manbajel teꞌae. La xbalchꞌunbe xmexaik te jel-takꞌinetike, sok la xbalchꞌunbe snaktajib te machꞌatik yipalik ta xchonel palomae.

San Lucas 2:48

Te kꞌalal ilot yuꞌun te smeꞌ-state, la sjikꞌ yoꞌtanik yuꞌun. Jicha albot yuꞌun te smeꞌe: —Jchꞌin kal, ¿tuꞌun te jich la apasbotik to? Te atate sok te joꞌone beno yajtal koꞌtantik ya jlejtikat —xchi.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Juan 5:17

Pero te Jesuse la yaltalanbe: —Te Jtate yipal ta aꞌtel y jichon euk yipalon ta aꞌtel —xchi.

San Juan 5:36

Pero ay testigo kuꞌun te mas tulan skꞌoplal ke te tutiꞌ yal te Juane. Jaꞌ testigo kuꞌun te tut ya jpase; jaꞌ mismo yakꞌojbon jpas te Tatile. Jaꞌ ya yakꞌ ta naꞌel a te batsꞌi jich te la stikonon tal te Tatile.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 8:29

Porke sjoyinejon te Machꞌa la stikonon tale. Te jTate ma swolanejukon, porke jaꞌ ya jpas te tut lek yoꞌtan yuꞌune —xchi.

San Juan 9:4

Te tutꞌil ayotik to ta kꞌajkꞌaltike, puersa me ya jpasbe yaꞌtel te Machꞌa la stikonon tale. Yuꞌun ya xꞌijkꞌub te kꞌinale, te kꞌalal maꞌyukix machꞌa ya xꞌaꞌtej ae.