San Lucas 2:48 - Nuevo Testamento Tzeltal de Amatenango

⁴⁸ Te kꞌalal ilot yuꞌun te smeꞌ-state, la sjikꞌ yoꞌtanik yuꞌun. Jicha albot yuꞌun te smeꞌe: —Jchꞌin kal, ¿tuꞌun te jich la apasbotik to? Te atate sok te joꞌone beno yajtal koꞌtantik ya jlejtikat —xchi.

Bible in Tzeltal Bachajón

⁴⁸ Xcham yo'tanic te sme'stat yu'un te c'alal la yilic; hich la yal te snane: Cal, ¿bin yu'un hich la apasbotcotic? Te atat soc ho'on ay jwocolcotic yac jlehbelatcotic, xchi.

Bible in Tzeltal de Oxchuc y Tenejapa

⁴⁸ Te sme'-state yan nax q'uinal la yaiyic yu'un te c'alal la yilique. La yal te sme'e: —Querem, ¿bistuc jich la apasbotic? Bayal ayon ta mel-o'tan ta jlebelat soc te atate —xi'.

San Lucas 2:48 ပူးပေါင်းရင်းမြစ်များ

San Mateo 12:46

Te Jesuse yipal to ta kꞌop ta stojol a te bayal genteetike te tal te smeꞌe sok te yijtsꞌinabe. Tekꞌatik jul ta amakꞌ, ya skꞌan ya skꞌoponik te Jesuse.

San Lucas 2:49

La sjakꞌ te Jesuse: —¿Tuꞌun te ya aleikone? ¿Me yuꞌun ma xꞌanaꞌik te ya skꞌan ya kaꞌtelin te tut ay yuꞌun te Jtate? —xchi te Jesuse.

San Lucas 3:23

Kꞌalal ayix treinta jaꞌbil yaꞌbilal a te Jesuse, lijk ta aꞌtel. Kuybil te jaꞌ xnichꞌan te Josee. Jich skajalskaj te stsꞌumbale:

San Lucas 4:22

Spisilik lek skꞌoplal yuꞌunik te Jesuse, sok toj cham a yaꞌiyik yuꞌun te ben tsaꞌam te skꞌope. Sok la sjojkꞌobe sbaik: —¿Me ma wan jaꞌuk te xnichꞌan Jose te winik to? —xchiik.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.