San Lucas 2:34 - Nuevo Testamento Tzeltal de Amatenango

³⁴ Te mam Simeone la skꞌambe bendision ta stojolik, sok la yalbe te xMaria te smeꞌ te alal Jesuse: —Aꞌiybeya awaꞌi sluwar, ta skuenta te alal to ay me bayal te jꞌisraeletike ya xjim yuꞌun, y ay me bayal ya xtojob yuꞌun. Te alale jaꞌ seña yakꞌoj Dios te bayal machꞌa ya xpꞌajot yuꞌune.

Bible in Tzeltal Bachajón

³⁴ Te Simeón la ya'be bendición ta stojolic, soc hich la yalbe te María te snan te alale: Ha'i alal ini hich chapal yu'un te ya yac' yahluc soc ya yac' hahchuc tsobol ta Israel, soc ha señahil te ya yich' contrahinel ta c'op,

Bible in Tzeltal de Oxchuc y Tenejapa

³⁴ Te Simeón la sc'anbey bendición ta stojolic, soc la yalbey te María te sme' te alale: —Aiya awaiy stojol, ja' in alal to, ay me tsobol te israeletic te ya xjinic yu'un soc ay me tsobol ya xtoy sc'oplalic yu'un. Te alale ja' seña yac'oj Dios te tsobol ya scontroinique.

San Lucas 2:34 ပူးပေါင်းရင်းမြစ်များ

San Mateo 11:19

Teꞌ nax a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌa, sok te ya sjoyin jmulawiletik sok jkꞌan-tojemaletik. Yan te spꞌijil yoꞌtan te Diose jaꞌ ya xchiknaj ta skuenta te tut ya yakꞌ kꞌotuk ta pasele —xchi te Jesuse.

San Mateo 12:46

Te Jesuse yipal to ta kꞌop ta stojol a te bayal genteetike te tal te smeꞌe sok te yijtsꞌinabe. Tekꞌatik jul ta amakꞌ, ya skꞌan ya skꞌoponik te Jesuse.

San Mateo 21:44

Te ton te ya kale, tem ay machꞌa ya xtꞌuxaj ta sbae, teꞌ me xkꞌo pꞌuyuk a. Yan teme ya xtenot yuꞌun te tone, mel nax me polvo ya xjil yuꞌun —xchi te Jesuse.

San Mateo 27:63

Jich a yalbeyik: —Ajwalil, ya to jnaꞌtik te la yal te jloꞌlawaneje: “Ya xchaꞌkuxon tal ta yoxebal kꞌaal” xchi te kꞌalal kuxul to aye.

San Lucas 2:35

Ya mex chiknaj te tut ay ta yoꞌtanik te jujutule. Y te jaꞌate ya me xkꞌax awokol ta ajtal-oꞌtan yuꞌun. Jaꞌ me pajal kꞌoem sok ya awaꞌi te lowel ta puñale —xchi te mam Simeone.

San Juan 3:20

Spisil te machꞌatik ma tsaꞌamuk te tut ya spasike, ya spꞌajik te machꞌa ya sakub kꞌinal yuꞌune. Y ma xtijilajik te ba sakil kꞌinale, yuꞌun ma xyakꞌ chiknajuk te tut ma tsaꞌamuk yipalik ta spasele.

San Juan 5:18

Jaꞌ yuꞌun te juriyoetike mas a lijk snopik tut ya yut ya smilik te Jesuse porke ma jaꞌuk nax ya xkꞌaxintay ta skꞌopik te skꞌaalel kuxo-oꞌtane, jaꞌ smul ta skꞌopik ekꞌa te ya yal sba te pajal sok Diose, kꞌalal ya yal te jaꞌ sTat te Diose.

Hechos 13:45

Pero te juriyoetike la yilik te bayal gente stsoboj sbaike, jaꞌ yuꞌun lijk slaꞌoꞌtantayik, y lijkik ta yalel te ma jichuk te tut ya yal te jPabloe, sok la stoyba-kꞌoptayik.

Hechos 17:6

Pero maꞌ staik teꞌa. Jaꞌ a xjochik lokꞌel te Jasone sok chaꞌoxtul te hermanoetike, yuꞌun ba yakꞌik entregal ta stojol te juꞌeletik yuꞌun te jtejklume. Xꞌawlajanik: —Te winketik to yipalik ta slijkesel kꞌop ta spisil balmilal, y laj julix ekꞌa liꞌye.

Hechos 24:5

Yuꞌun te winik to yipal ta boliteswane, y ta spisil te balmilale yipal kꞌael ta slijkesel kꞌop, y ta yakꞌel division ta yolil te juriyoetike. Sok jaꞌ statal yuꞌun te machꞌatik xchꞌuunejik te Jesus te talem ta Nazarete,

Hechos 28:22

Ya jkꞌan kaꞌibetik sluwar te tutiꞌ anopoje, porke jnaꞌojtik te bayuk nax kontrainbil te achꞌ nopojibal to —xchiik.

Hechos 4:26

Te reyetik sok te gobiernoetik ta balmilale tulan ya stejkan sbaik. Ya snopik ta jun nax sok te stataletike te ya skontrainik te Kajwaltik Diose sok te Cristo te tsabil yuꞌune”, xchi me.

Hechos 6:7

Te skꞌop Dios pujk bael, y te hermanoetike lom bayal yipal ta pꞌolel te ba Jerusalene. Asta bayal saserdoteetik yuꞌun juriyo la xchꞌuunik euk.

Romanos 9:32

¿Tut yuꞌun? Porke maꞌ yakꞌ ta yoꞌtanik te kolemix ya xjil yuꞌun smulik ta skuenta nax xchꞌuunel yoꞌtanik, yuꞌun skuyojik te jaꞌ toj ya xꞌilot yuꞌun te tut ya spasike. Jaꞌ yuꞌun la xkꞌojchin yokik a te ton te ya syaleswane.

1 Corintios 1:23

Pero te joꞌotike jaꞌ ya kaltik te tutꞌil a milot ta krus te Cristoe. Jaꞌ to jaꞌ nax xcheꞌbantesel yoꞌtanik yuꞌun te juriyoetike, y te machꞌatik ma juriyouke, jowil nax kꞌoem ta yoꞌtanik.

Hebreos 7:1

Te jMelquisedeke jaꞌ rey yuꞌun te jtejklum Saleme, sok saserdote yuꞌun te Dios te ay ta chꞌulchane. Te kꞌalal sujt tal te jꞌAbraham te xkꞌotuk ta stsalel ta guerra te reyetike, te jMelquisedeke lokꞌ sta y la yaꞌbe bendision.

Hebreos 7:7

Jpisiltik ya jnaꞌtik te jaꞌ mukꞌ ay te machꞌa ya yakꞌ te bendisione, sok jaꞌ pekꞌ ay te machꞌa ya yichꞌ te bendisione.

1 Pedro 4:14

Ben tsaꞌam alekilik teme ay machꞌa ya yixta-kꞌoptayex teme jaꞌ ta skꞌaj te Cristoe. Porke te slekilal te Espíritu yuꞌun Diose ay me ta atojolik te jaꞌexe.