San Lucas 19:47 - Nuevo Testamento Tzeltal de Amatenango

⁴⁷ Jujun kꞌaal te Jesuse nojpeswan ta templo. Te statal saserdoteetike sok te maestroetik yuꞌun te mantaliletike sok euk te stataletik yuꞌun te jtejklume yipalik ta sleel tutꞌil ya smilik te Jesuse.

Bible in Tzeltal Bachajón

⁴⁷ Jujun c'ahc'al la ya'iy p'ijubteswanej ta Templo; pero te principal sacerdotehetic, escribanohetic soc principaletic yu'un te pueblo yac schapbelic bin ut'il ya smilic.

Bible in Tzeltal de Oxchuc y Tenejapa

⁴⁷ Jujun c'aal la yaiy p'ijubteswanej ta templo te Jesuse. Te jwolwanej-sacerdoteetic soc te jts'ibojometique soc uuc te mach'atic ich'bilic ta muc' yu'un te lume caj sleic bi ya yut ya smilic te Jesuse.

San Lucas 19:47 ပူးပေါင်းရင်းမြစ်များ

San Mateo 21:23

Och bael ta templo te Jesuse. Yipal ta pꞌijuteswanej a, tal ta kꞌoponel yuꞌun te statal-saserdoteetike sok te moletik yuꞌun te jtejklume. La sjojkꞌobeyik: —¿Tuti awaꞌtel awichꞌoj ta spasel spisil to? ¿Machꞌa yaꞌbeyat awaꞌtel? —xchiik.

San Mateo 26:55

Jich a sjojkꞌolanbe te genteetik te talemik ta tsakawe: —¿Me yuꞌun jꞌelekꞌon te tal atsakikon sok apuñalik sok ateꞌike? Jujun kꞌaal ayon ta pꞌijuteswane ta templo y ma la atsakikon teꞌa.

San Marcos 11:18

Te statal-saserdoteetik sok te maestroetik yuꞌun te mantaliletike la yaꞌiyik sluwaril te tut la yale. Jich lijkik ta sleel te tutꞌil ya smilik te Jesuse, yuꞌun la xiꞌik te Jesuse, yuꞌun spisil te gente ben tsaꞌam ya yaꞌiyik te pꞌijutesel yuꞌune.

San Marcos 12:12

Jich kꞌan stsakik te Jesuse, yuꞌun kꞌot ta yoꞌtanik te jaꞌ skꞌoplalik te seña kꞌop la yale. Pero la xiꞌik te genteetike. Jaꞌ yuꞌun la sjilesik y bajtik.

San Marcos 14:1

Cheb xanix kꞌaal ya skꞌan xlijk a te kꞌin Pascua sok te ya sweꞌik te waj te maꞌyuk levadura yichꞌoje. Te statal-saserdoteetike sok te maestroetik yuꞌun te mantaliletike yipalik ta snopel tutꞌil ya stsakik te Jesuse yuꞌun ya smilik ta ora nax.

San Marcos 14:49

Jujun kꞌaal la jnojpesex ta templo y ma la atsakonik teꞌa. Jaꞌ jich ya xkꞌot ta pasel te tutꞌil tsꞌibabil jilel ta Sjun te Diose —xchi te Jesuse.

San Lucas 19:48

Pero ma staik tut ya yutik, yuꞌun spisil te genteetike ben tsaꞌam ya yaꞌiyik te tut yipal ta yalel te Jesuse.

San Lucas 20:19

Te statal saserdoteetike sok te maestroetik yuꞌun te mantaliletike ora nax kꞌan stsakik te Jesuse, yuꞌun la snaꞌik te jaꞌ skꞌoplalik te seña-kꞌop te la yal te Jesuse. Pero ya xiꞌik yuꞌun te genteetike.

San Juan 10:39

Jich kꞌan stsakik xan bael te Jesuse, pero kol bael ta skꞌabik.

San Juan 18:20

Te Jesuse la yalbe: —Jamal a kal ta sitil komon ta stojol spisil te genteetike, bayal buelta a nojpeswanon te ta sinagogaetik sok ta templo te ba ya stsobilan sbaik spisil te juriyoetike. Ma mukuluk a nojpeswanon.

San Juan 7:19

¿Ma me jaꞌuk te jMoises te la yaꞌbeyex te mantaliletike? Pero ni jtuluk te jaꞌexe ya achꞌuunik. ¿Tut yuꞌun te ya akꞌan ya amilikone? —xchi.

San Juan 7:44

Ay machꞌatik a kꞌan xchukik bael te Jesuse, pero maꞌyuk machꞌa juꞌ yuꞌun.