San Lucas 19:12 - Nuevo Testamento Tzeltal de Amatenango

¹² Jich a yaltalanbe: —Ay jtul lekil jkꞌulej winik te bajt ta yan jtejklum te lom jakal aye, yuꞌun ba yichꞌ tal yaꞌtel ta reyil.

Bible in Tzeltal Bachajón

¹² Hich la yal: Ay jtuhl winic ich'bil ta muc' te baht ta namal yu'un ya yich' ya'tel ta ajwalil, patil ya suht tal.

Bible in Tzeltal de Oxchuc y Tenejapa

¹² Jich la yal te Jesuse: —Ay jtul jc'ulej winic te bajt' ta yan lum te c'ubul aye, yu'un ba yich' tel yat'el ta muc' ajwalil.

San Lucas 19:12 ပူးပေါင်းရင်းမြစ်များ

San Mateo 21:38

“Te kꞌalal la yilik te jaꞌ xnichꞌan te yajwal-lum te talemixe, sok la snaꞌik te stukel ya xjil ta skuenta te lume, jicha lijk yalbe sbaik: “Jaꞌ to jaꞌ ya yichꞌ jilel te lume. Jaꞌ lek ya jmiltik yuꞌun joꞌotik ya kichꞌbetik jilel te slume”, xchiik.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Marcos 12:1

Jesus lijk yalbe yaꞌiyik seña kꞌopetik. Jich a yal: —Ay jtul winik la stsꞌun tsꞌusubiltik y la smak ta makteꞌ. La spasbe yawil te ba ya yichꞌ lokꞌesel yaꞌlel sit te stsꞌusube, y la spas jun lojtsajibal yuꞌun ya yichꞌ kanantayel te tsꞌusubiltike. La yakꞌ ta majanel yuꞌun aꞌteletik te tsꞌusubiltik yuꞌune sok bajt ta jakal luwar.

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

San Lucas 20:9

Te Jesuse lijk yalbe te genteetike te seña-kꞌop to: —Ay jtul winik te ba stsꞌun ubailtik y la yakꞌ jilel ta kanantayel yuꞌun jꞌaꞌteletik, y jakal a bajt ta beel, y jalaj teꞌa.

San Lucas 24:51

Yipal to ta yaꞌbeyel bendision a la sjileslan. Ikꞌot moel ta chꞌulchan.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

Hechos 17:31

Yuꞌun snaꞌojix te Diose te tut kꞌaalil ya yichꞌbe jkuenta yaꞌtel te gentee, ta skuenta te jtul winik te la stꞌuje, jaꞌ te Jesuse. Jamal a akꞌtalanbot yil spisil te kꞌalal la xchaꞌkuses tal te ba ay animaetike —xchi te jPabloe.

1 Corintios 15:25

Porke te Cristoe puersa ya yichꞌ yaꞌtel ta ajwalil jaꞌto teme la xpuchꞌ ta tekꞌel spisil te skontratake.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.