San Lucas 18:7 - Nuevo Testamento Tzeltal de Amatenango

⁷ Jaꞌ yuꞌun te Diose, ¿meꞌn ma wan yauk skoltay te machꞌatik tsabil yuꞌune te ya swulilan ta kꞌajkꞌal ajkꞌubale? ¿Me ya to wan smali te ya xkoltaywane?

Bible in Tzeltal Bachajón

⁷ ¿Ha xan te Diose, ma bal yacuc schahpan ta stojil te mach'atic tsahticlambil yu'un, te c'ahc'al ahc'abal ya xhalbot wocol yu'une? ¿Ya bal xhalaj te ya spas te bin ya xc'ambot yu'unic?

Bible in Tzeltal de Oxchuc y Tenejapa

⁷ Ja' xan te Diose ¿ma bal yacuc scoltay te mach'a tsabil yu'un te ya x'albot wocol yu'un c'aal ajc'ubale? ¿Ya bal smaliy bayal c'aal te ya xcoltaywane?

San Lucas 18:7 ပူးပေါင်းရင်းမြစ်များ

San Mateo 24:22

Te jichuk makꞌ xatꞌbe skꞌaalel te Diose, maꞌyuk machꞌa ya xkol te jichuke. Pero chapalix yuꞌun te ya yichꞌ komel ta skaj te machꞌatik tꞌujbil yuꞌune.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 7:11

Jich te jaꞌexe te ma tsaꞌamuk awoꞌtanike, pero ya anaꞌik yakꞌel te tut lek ta stojol te awuntikilike. Jaꞌuk to xan a te jTatik te ay ta chꞌulchane ya me yaꞌbeyex te tut lek ya akꞌanike.

San Lucas 11:13

Jich te jaꞌexe manchuk me ma tsaꞌamuk te awoꞌtanike, pero ya anaꞌik yakꞌel te tut a te lek ta stojol te awal-anichꞌanike. ¿Jaꞌuk to xan wan a te Jtatik te ay ta chꞌulchane? Ya me yaꞌbeyex te Chꞌul Espíritu te machꞌa ya skꞌambeye —xchi te Jesuse.

San Lucas 2:37

Ayix 84 jaꞌbil yaꞌbilal a te jil ta biudae. Sil tiempo ay ta templo. Kꞌajkꞌal ajkꞌubal ay ta abatinel yuꞌun te Kajwaltike y ya skomilan sweꞌel ta skꞌoponel te Diose.

San Lucas 21:28

Te kꞌalal ya xlijk kꞌotuk ta pasel te tutik to, ma me xiꞌanik. Jacha me ajolik, yuꞌun nopolix te akolelike —xchi te Jesuse.

Romanos 8:33

¿Machꞌa kꞌan slebe smul te machꞌatik Dios tsabilix yuꞌune? Maꞌyuk. Yuꞌun yalojbeyix ta jamal te Diose te kolemotikix yuꞌun te jmultike.

Colosenses 3:12

Dios skꞌanojex te jaꞌexe, y la stꞌujex yuꞌun jtejklum ya xkꞌoex yuꞌun, sok kꞌuxex ta yoꞌtan. Jich yuꞌun akꞌaik ta ilel te ay xkꞌuxul awoꞌtanike sok te ay slekil awoꞌtanike. Chꞌin me xꞌawakꞌ abaik y kꞌunuk me awoꞌtanik, y kujchuk me awuꞌunik.

1 Tesalonicenses 3:10

Kꞌajkꞌal y ajkꞌubal ya kalbetik Dios te yauk yakꞌotik te ya xtal kiltikex ta sitike, sok te ya me jtsꞌakutestik te ay to xan ya skꞌan te xchꞌuunel awoꞌtanike.

2 Tesalonicenses 1:6

Toj te Diose, y ya me yaꞌbe stoj sok wokol te machꞌatik ya yakꞌ kꞌaxuk awokolike.

1 Timoteo 5:5

Yan te meꞌba ants te yal stukel xanix aye, jaꞌ yipinej yoꞌtan te Diose, y ma skom sba ta yalulanbeyel y skꞌoponel Dios ta kꞌajkꞌal ajkꞌubal.

2 Timoteo 1:3

Sil tiempo ya jnaꞌat ta skꞌoponel Dios. Ta kꞌajkꞌal ajkꞌubal ya kalbe kola yal Dios te jun koꞌtan kakꞌoj jba ta abatinel yuꞌun, jich tutꞌil la yakꞌ sbaik ta abatinel te antibo jmeꞌ-jtate.

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.

Tito 1:1

Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

1 Pedro 1:1

Joꞌon jPedroon, apostolon yuꞌun te Jesucristoe, ya jtsꞌibay te karta to te jaꞌ yuꞌun te machꞌatik te pujkejemik bael te ba slumalike, te ayik ta estadoetik yuꞌun Ponto sok Galacia sok Capadocia sok Asia y sok Bitinia.

2 Pedro 3:9

Ma yuꞌunuk yokelaluk ya yakꞌ kꞌouk ta pasel te Kajwaltik te tut yaloje, jich tutꞌil te ay machꞌatik jich skuyojike, sino ke jun yoꞌtan ya smaliyex te jaꞌexe. Yuꞌun ma skꞌan teme ay machꞌa chꞌayel ya xbajte, sino ke jaꞌ ya skꞌan te spisil ya sujtes yoꞌtanik ta stojol Diose.

Apocalipsis 18:20

Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Apocalipsis 6:10

Tulan ya yalik: “Chꞌul Kajwaltik, y te ben jun awoꞌtane, ¿tut to ora ya awichꞌ jkuenta te machꞌatik ay ta balmilal te la smilotike, y te ya awaꞌbe stoje?” xchiik.

Apocalipsis 7:15

Jaꞌ yuꞌun te aylan ta sit te ba ay smukꞌul snaktajib te Diose, y kꞌajkꞌal ajkꞌubal yakꞌoj sbaik ta abatinel te ba stemploe. Ya me yichꞌ kanantayel yuꞌun te Machꞌa nakal te ba mukꞌul naktajibale.