San Lucas 18:32 - Nuevo Testamento Tzeltal de Amatenango

³² Yuꞌun ya me xkꞌo akꞌek entregal yuꞌun te jyanlumetike. Ya me yikꞌtinik, sok ya me sbolkꞌoptayik, sok ya me stubutayik.

Bible in Tzeltal Bachajón

³² Ya x'ac'ot ta sc'ab jyanlumetic, ya slabanic, ya yixta'c'optayic soc ya stuhbatayic.

Bible in Tzeltal de Oxchuc y Tenejapa

³² Melel ya x'ac'ot ta sc'ab te jyanlumetique. Ya me yich' labanel soc bolc'optayel soc tubtayel yu'unic.

San Lucas 18:32 ပူးပေါင်းရင်းမြစ်များ

San Mateo 16:21

Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

San Mateo 20:19

Ya me xꞌakꞌot ta skꞌab te jyanlumetike y ya me xꞌikꞌtinot. Sok ya me yichꞌ aresial ta nujkul sok ya me xꞌakꞌot ta milel ta krus. Pero ta yoxebal kꞌaal ya me kichꞌ chaꞌkusesel —xchi te Jesuse.

San Mateo 22:6

Te yane la stsakik te jmantaletik yuꞌun te reye, la yilbajinik y la smilik.

San Mateo 26:67

Jich lijk stubutayik ta sit y lijk smajik. Te yanetik la smakbeyik sit

San Mateo 27:2

Xchukojik bael sok kꞌo yakꞌik entregal ta skꞌab te Poncio Pilatoe te ay ta gobiernoil yuꞌun a te Romae.

San Marcos 14:65

Ay lijkik ta stubutayel, sok la smakbeyik sit ta pakꞌ, sok lijkik ta smajel. Jich a yalbeyik: —Ala kaꞌiytik te machꞌa la smajate —xchiik. Sok euk te jkanan-temploe la smajbeyik sit.

San Marcos 15:1

Sakubix tal kꞌinal a tal stsob sbaik ta xchapel skꞌopik te statal-saserdoteetike sok te moletike sok te maestroetik yuꞌun te mantaliletike sok taspisil te machꞌatik yichꞌojik yaꞌtelike. Jich la xchukik bael te Jesuse. Ba yaꞌbeyik ta skꞌab te Pilatoe.

San Lucas 18:33

Ya me smajik sok ya me smilik. Pero ta yoxebal kꞌaal ya me chaꞌkux tal —xchi.

San Lucas 23:1

Spisilik a jajchik bael. La yikꞌik bael ta stojol jPilato te Jesuse.

San Lucas 23:11

Jich te jHerodese sok te soltaroetik yuꞌune la stseꞌlayik y la spꞌajik te Jesuse. Yuꞌun ya stseꞌlayik a te Jesuse, la slapbeyik kꞌuꞌul-pakꞌal te ben tsaꞌam ta ilel, jich tutꞌil te reye. Te nax a te jHerodese la stikon sujtel ta stojol te jPilatoe.

San Lucas 23:35

Te genteetike teꞌeyik ekꞌa yipalik ta yilel te tut ya xkꞌot ta pasele. Y asta te juꞌeletike ya yikꞌtinik euk te Jesuse. Jich ya yalik: —La skolta te yane. Ora to aꞌ skolta sba kiltik euk, teme batsꞌik jich te jaꞌ Cristo te tꞌujbil yuꞌun te Diose —xchiik ta yikꞌtinel.

San Juan 18:22

Kꞌalal jich a yal te Jesuse, te jtul polisia te teꞌ tekꞌel ae la yaꞌbe mam jpajkꞌ ta sit te Jesuse, y la yalbe: —¿Meꞌn jich ya ajakꞌbe skꞌop te statal saserdotee? —xyut.

San Juan 18:28

La yikꞌik lokꞌel te ba sna jCaifas te Jesuse, sok teꞌ ikꞌot bael te ba spalasio te gobierno romanoe. Ya sakubix tal a te kꞌinale. Te juriyoetike ma ochik bael te ba palasioe, yuꞌun la snaꞌik te ya xꞌixtaꞌa skꞌoplalik teme ya xꞌochike, y jich ma spas ya sweꞌik te weꞌelil yuꞌun te kꞌin Pascuae.

San Juan 18:30

La yalik; —Te jich tsaꞌamuk yaꞌtele maꞌ kikꞌtik tal ta atojol te jichuke —xchiik.

San Juan 18:32

Jich a kꞌot ta pasel te tut yaloj te Jesuse te tut lajelil ya xkꞌot ta skuentae.

San Juan 18:35

La sjakꞌ te jPilatoe: —¿Me yuꞌun juriyoon? Jaꞌ mismo te alumale sok te stataletik yuꞌun te saserdoteetike te tal yakꞌat entregal ta jtojole. ¿Tut a te ma tsaꞌamuk apasoje? —xchi.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.