San Lucas 18:31 - Nuevo Testamento Tzeltal de Amatenango

³¹ Te Jesuse la yikꞌ tal ta stojol te lajchaytul jnopojeletik yuꞌune y la yaltalanbe: —Te ora to ya xmootikix bael ta Jerusalen. Teꞌ me ya xkꞌot ta pasel ta stojol te Nichꞌanile, te tut la stsꞌiba jilel te antibo jꞌalwanejetik yuꞌun te Diose.

Bible in Tzeltal Bachajón

³¹ Te Jesús jechc'al la yic' bahel te lahchaytuhl, hich la yalbe: Ya xmohotiquix bahel ta Jerusalén, ya xc'ohtix ta pasel spisil te bintic ts'ihbabil hilel yu'un te jalwanejetic sc'oblal te Nich'anil ay ta scuenta winic.

Bible in Tzeltal de Oxchuc y Tenejapa

³¹ Te Jesús la yic' ta stojol stuquel nax te lajchaytul jnopojeletic yu'une soc la yalbey yaiyic: —Aiya awaiyic stojol: Yacotiquix ta moel bael ta Jerusalén. Tey me ya xc'ot ta pasel a te bit'il la sts'ibuyic jilel j'alwanejetic yu'un Dios te sc'oplal te Nich'anile.

San Lucas 18:31 ပူးပေါင်းရင်းမြစ်များ

San Mateo 16:21

Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

San Mateo 27:63

Jich a yalbeyik: —Ajwalil, ya to jnaꞌtik te la yal te jloꞌlawaneje: “Ya xchaꞌkuxon tal ta yoxebal kꞌaal” xchi te kꞌalal kuxul to aye.

San Marcos 8:9

Te jaytul te weꞌike ay wan chanmil ta jtul. Te tsꞌin abi te Jesuse la stikon bael te genteetike.

San Lucas 10:30

Jich te Jesuse la sjakꞌbe: —Ay jtul winik ay kꞌael ta sbelal Jerusalen te ya xbajt ta Jericoe, pero tsakot yuꞌun jꞌelekꞌetik ta be. Jich a spojbeyik bael te stutik yuꞌune, sok te skꞌuꞌ-spakꞌe. Toj lek a smajik jilel, chamen a jil yuꞌunik, y laj bajtix.

San Lucas 9:22

Y la yaltalanbe: —Te Nichꞌanile puersa ya xkꞌax bayal swokol. Ya me spꞌajik te moletik sok te statal saserdoteetike sok te maestroetik yuꞌun te mantaliletike. Ya me yakꞌik ta milel, pero ya me xchaꞌkux tal ta yoxebal kꞌaal —xchi.

San Lucas 9:51

Te kꞌalal xnopet ya sta yorail te ya xꞌikꞌot moel ta chꞌulchan te Jesuse, la xtuchꞌ yoꞌtan te ya xbajt ta Jerusalene.