San Lucas 18:14 - Nuevo Testamento Tzeltal de Amatenango

¹⁴ “Ya kalbeyex: Te jkꞌan-tojemale te kꞌalal sujt bael ta snae pasbilix bael perdon yuꞌun a te Diose. Yan te fariseoe ma pasbot perdon stukel. Porke te machꞌa mukꞌ ya yakꞌ sbae, chꞌin me ya xkꞌot. Yan te machꞌa chꞌin ya yakꞌ sba, jaꞌ me mukꞌ ya xkꞌot stukel —xchi te Jesuse.

Bible in Tzeltal Bachajón

¹⁴ Ya calbeyex, te winic ini lec ay ta stojol Dios a suht bahel ta sna, ma ha'uc te yane, como mach'ayuc a te ya stoy sba, peq'uel ya x'ac'ot, yan te mach'a peq'uel ya yac' sba, ya xtohybot sc'oblal, xchi.

Bible in Tzeltal de Oxchuc y Tenejapa

¹⁴ Ya calbeyex: Te jc'an-patane libre c'otix ta stojol Dios te c'alal sujt' bael ta snae. Yan te fariseo ma'yuc bila la sta stuquel, melel te mach'a cajal ya yac' sbae, peq'uel me ya xc'ot. Yan te mach'a peq'uel ya yac' sbae, ja' me cajal ya xc'ot stuquel —xi' te Jesuse.

San Lucas 18:14 ပူးပေါင်းရင်းမြစ်များ

San Mateo 23:12

Jich te machꞌa mukꞌ ya yakꞌ sbae, chꞌin me ya xkꞌot. Yan te machꞌa chꞌin ya yakꞌ sbae, jaꞌ me mukꞌ ya xkꞌot stukel.

San Mateo 5:3

—Ben me tsaꞌam slekilik te machꞌatik meꞌbaꞌ ya yaꞌiy ta yoꞌtanike, porke jaꞌix te Mukꞌ Ajwalil yuꞌunik te Diose.

San Lucas 1:52

La skoesix ta snaktajib te reyetike, yan te machꞌatik chꞌin ayike la smukꞌutesbeyix skꞌoplal stukele.

San Lucas 10:29

Te maestro yuꞌun te mantaliletike ma skꞌan teme maꞌyuk skꞌoplal ya xkꞌot te tuti sjojkꞌoye. La sjojkꞌobe xan te Jesuse: —¿Machꞌa a te joy ta genteil te ya yale? —xchi.

San Lucas 14:11

Porke te machꞌa ya skꞌan akꞌel ta jkuentae ma me aꞌbiluk ta jkuenta ya xkꞌot stukel. Yan te machꞌa chꞌin yakꞌoj sbae jaꞌ me ya xꞌakꞌot ta jkuenta stukel —xchi te Jesuse.

San Lucas 16:15

Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

Romanos 3:20

Porke te Diose maꞌyuk machꞌa ya yalbe te jaꞌ libre ya xkꞌot yuꞌun te xchꞌuunej te tut ya yal te mantaliletike. Yuꞌun te mantaliletike jaꞌ nax ya xtuꞌun te ya yaꞌbotik jnaꞌtik te jmulawilotike.

Romanos 4:5

Pero teme ay machꞌa ya xchꞌuun te Diose, te libre ya yakꞌ yuꞌun smul te jmulawile, jaꞌ toj ya ilot yuꞌun Dios yuꞌun te xchꞌuunel yoꞌtane, aunke maꞌyuk tut spasoj te chapal a kꞌot yuꞌune.

Romanos 5:1

Jich yuꞌun, libreix ayotik yuꞌun te jmultike ta skuenta nax te xchꞌuunel koꞌtantike. Jich bujtsꞌan kꞌinal ya kaꞌitik ta stojol Dios ta skuenta te Kajwaltik Jesucristoe.

Romanos 8:33

¿Machꞌa kꞌan slebe smul te machꞌatik Dios tsabilix yuꞌune? Maꞌyuk. Yuꞌun yalojbeyix ta jamal te Diose te kolemotikix yuꞌun te jmultike.

Gálatas 2:16

Pero jnaꞌojtik te maꞌyuk machꞌa libre ya xkꞌot yuꞌun smul ta skuenta te ya spas te tut ya yal te mantaliletik yuꞌun te jMoisese. Jaꞌ nax libre ya xkꞌootik yuꞌun jmultik ta skuenta xchꞌuunel te Jesucristoe. Jaꞌ yuꞌun, te joꞌotike jchꞌuunejtikix te Jesucristoe yuꞌun ya skoltayotik yuꞌun jmultik ta skuenta nax te xchꞌuunel-oꞌtanile, y ma jaꞌuk ta skuenta spasel te tut ya yal te mantaliletike. Porke maꞌyuk machꞌa ya xjuꞌ te libre ya xkꞌot yuꞌun smul ta skuenta spasel te tut ya yal te mantaliletike.

Santiago 4:10

Chꞌin xꞌawakꞌ abaik ta sit te Kajwaltike, y jaꞌ me ya stoyes akꞌoplalik.

Santiago 4:6

Pero Dios ya skoltayotik ta mas sok te slekil yoꞌtane. Yuꞌun jich ya yal te Sjun Diose: “Dios skontrainej te machꞌatik ya stoy sbaike, pero te machꞌatik chꞌunulike, ya skoltay ta slekil yoꞌtan”, xchi me.