San Lucas 18:12 - Nuevo Testamento Tzeltal de Amatenango

¹² Te joꞌone ya jkom jweꞌel chaꞌmel ta semana, sok ya kaꞌbeyat jun ta slajunebal te tut ya jtae”, xchi.

Bible in Tzeltal Bachajón

¹² Cheb buelta ya jcom jwe'el ta jujun semana, soc ya ca'be jun ta slajunebal spisil te bin ya jta, xchi.

Bible in Tzeltal de Oxchuc y Tenejapa

¹² Te jo'one ya jcom jwe'el cheb buelta jujun semana soc ya cac'bat jun ta slajunebal te bila ya jtae”, xi'.

San Lucas 18:12 ပူးပေါင်းရင်းမြစ်များ

San Mateo 5:20

Ja yuꞌun ya me kalbeyex, teme ma kꞌaxuk jich ya apasik te tut ya skꞌan yoꞌtan te Diose te tutꞌil ya spasik te maestroetik yuꞌun te mantaliletike sok te fariseoetike, ma xjuꞌ ya xꞌochex te ba ay ta mantal te Diose.

San Mateo 6:1

“Ila me abaik te kꞌalal yipalex ta spasel te tut lek yoꞌtan yuꞌun te Diose, ma me xꞌawal ta awoꞌtanik te ya skꞌupinex ta sit te genteetike. Teme jich ay ta awoꞌtanik, ma me ayuk amajtanik yuꞌun te jTatik te ay ta chꞌulchane.

San Mateo 6:16

“Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi.

San Mateo 6:5

“Te kꞌalal tut ora ya akꞌoponik Dios te jaꞌexe, ma me jichuk xꞌapasik te tutꞌil ya spasik te machꞌa chaꞌlam yoꞌtanike. Ya skꞌupinik te ya stejkan sbaik ta skꞌoponel Dios ta sinagogaetik sok ta eskinyailtik yuꞌun te plasae, yuꞌun ya skꞌanik kꞌupinel yuꞌun genteetike. Jamal ya kalbeyex, jip me smajtan la staik abi.

San Mateo 9:14

Te machꞌatik stsꞌakliyejik te Juan Akꞌ-ichꞌjaꞌe talik ta stojol te Jesuse. Jicha tal sjojkꞌobeyik: —Joꞌotik y sok te fariseoetike ben ya jkom jweꞌeltik. ¿Tuꞌun tsꞌin te makꞌ skom sweꞌelik te jnopojeletik awuꞌune? —xchiik.

San Lucas 11:42

“Te jaꞌex fariseoexe, oꞌol me abaik, porke ya awaꞌbeyik smajtanin Dios jun ta slajunebal te atulpimilike, sok te alutaike, y spisil ta jkaj te abokike. Yan te tutik lek ta pasel ta stojol te yane, sok te ya skꞌan te kꞌux ya kaꞌitik ta koꞌtantik te Diose, chꞌayem ta awoꞌtanik stukel. Jaꞌ to jaꞌ ya skꞌan ya apasik, sok euk te tut yipalex ta spasele.

San Lucas 17:10

Jich euk te jaꞌexe teme la apasix spisil te tut la yalbeyat te Diose, ya skꞌan te jich ya awalike: “Ma tsaꞌamukotik ta mantaltesel. Porke ma juꞌemuk kuꞌuntik spasel ta mas te kaꞌteltike”, xchaex me —xchi te Jesuse.

Romanos 3:27

¿Ba me ya sjiles te stoybail winik ta stojol Diose? Ma spasix teꞌae. Yuꞌun ma xkol yuꞌun xchꞌuunel te mantaliletike; jaꞌ nax teme la xchꞌuun te Jesuse.

1 Corintios 1:29

Yuꞌun jich me ni jtul maꞌyuk machꞌa ya xjuꞌ mukꞌ ya yakꞌ sba ta skuenta te Diose.

Gálatas 1:14

Te jun nax ayon sok a te juriyoetik, te joꞌone mas nail nail juꞌem kuꞌun ke te jlumale, te joy jba sok ta chꞌile. Porke ben bayal skꞌoplal ta koꞌtan te jkanantayej te skostumbreik te antibo jmeꞌ-jtate.

Efesios 2:9

Ma yuꞌunuk kolemexix yuꞌun te awaꞌtelike. Jich maꞌyuk machꞌa ya xjuꞌ te mukꞌ ya yakꞌ sbae.

1 Timoteo 4:8

Ya xtuun chꞌinuk te ya jkꞌayestik te jtiꞌbalultike; yan te ya jkꞌayes jbajtik ta xchꞌuunel Diose, jaꞌ bayal ya xtuun yuꞌun stukel, porke ay me tut ya jtajtik a yuꞌun te jkuxlejaltik to y sok yuꞌun te jkuxlejaltik ta patile.