San Lucas 17:22 - Nuevo Testamento Tzeltal de Amatenango

²² Y la yalbe te jnopojeletik yuꞌune: —Ya me sta yorail te awoꞌtanikuk ya awilik jun xanix me kꞌaal a te Nichꞌanile, pero makꞌ ya awilikix a.

Bible in Tzeltal Bachajón

²² Soc la yalbe te jnopojeletic yu'une: Ya me sta yorahil te awo'tanicuc te yac awilic junuc sc'ahc'alel te Nich'anil ay ta scuenta winic, pero ma ba yac awilic.

Bible in Tzeltal de Oxchuc y Tenejapa

²² Soc la yalbey te jnopojeletic yu'une: —Ya me sta yorail te awo'tanuc yacuc awilic te Nich'anile manchuc teme ja' nax jun c'aale, ja'uc me to, ma ba ya awilic.

San Lucas 17:22 ပူးပေါင်းရင်းမြစ်များ

San Mateo 9:15

La yal te Jesuse: —¿Me ya wan spas te ben triste ay te machꞌatik majanlanbil ta nupunele teme sjoyinej to sba sok te machꞌa ya xnujpune? Pero ya me sta yorail te ya xꞌikꞌot lokꞌel ta yolilik te machꞌa nujpunixe. Jaꞌ to me ya xlijk skom sweꞌelik a te jꞌil-nujpuneletike.

San Marcos 2:20

Pero ya me sta yorail te ya xꞌikꞌot bael te jnujpunele, jaꞌ to me ya skom sweꞌelik a.

San Lucas 13:35

Yotik to ya kalbeyex awaꞌiyik: Te alumalike ya me xchꞌojot jilel. Sok ya kalbeyex te makꞌ ya awilbikonix jsite jaꞌ to teme ya sta yorail te jich ya awalike: “Ben me tsaꞌam slekil te machꞌa tikonbil tal yuꞌun te Kajwaltike”, teme xchaexe —xchi te Jesuse.

San Lucas 5:35

Pero ya me sta yorail te ya xꞌikꞌot lokꞌel te machꞌa nujpunixe. Jaꞌto me ya xlijk skomilan sweꞌelik a —xchi.

San Juan 12:35

Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

San Juan 13:33

Jchꞌin kuntikil, ma jalukix kꞌaal te joyinejexe. Te jaꞌexe ya aleikon, pero jich mismo te la kalbe te juriyoetike, ora to jich ya kalbeyex euk: Ma spas ya xbaex te ba ya xboone.