San Lucas 17:16 - Nuevo Testamento Tzeltal de Amatenango

¹⁶ Jul skejan sba ta sit te Jesuse, la snijan sba ta lum ta yalbeyel kola yal. Te winik to, samaria-winik.

Bible in Tzeltal Bachajón

¹⁶ tal spahcan sba c'alal lum ta ye'tal yoc Jesús ta yalbeyel wocol yu'un. Ha samaritano-winic.

Bible in Tzeltal de Oxchuc y Tenejapa

¹⁶ Jul stinan sba coel c'alal ta lum ta stojol te Jesuse. La yalbey wocol ta stojol. In te winique samaria-winic stuquel.

San Lucas 17:16 ပူးပေါင်းရင်းမြစ်များ

San Mateo 10:5

Te Jesuse la stikon bael te lajchaytulike sok la spas bael ta mantal: —Ma me baanik te ba ay te ma israeluke, sok ma me ochanik te ba jtejklumetik yuꞌun te samariaetike.

San Mateo 2:11

Jich a ochik tsꞌin te ba nae, y la yilik te alale sok te smeꞌe, jaꞌ te xMariae. La skꞌejan sbaik ta stojol, y la sjeꞌ te stutik yuꞌunike. La yaꞌbeyik smajtan: oro sok pom y sok mirra.

San Marcos 5:33

Te antse lijk abeksik yuꞌun te xiꞌele, yuꞌun la snaꞌ te tutꞌil a spase. Jich a tal skejan sba ta yok, sok la yal ta jamal te tutꞌil aye.

San Lucas 17:17

La yal te Jesuse: —¿Meꞌn ma lajuntuluk te machꞌatik kolik ta chamele? ¿Ba ay te baluntul xane?

San Lucas 5:8

Kꞌalal la yil te Simon Pedro te jicha kꞌot ta pasel, la skejan sba ta stojol te Jesuse. Jich a yal: —Kajwal, ma spas ya joyinat, yuꞌun jmulawilon —xchi.

San Juan 4:9

Te samaria-antse la yal: —¿Tut yuꞌun te ya akꞌanbon jaꞌ ya awuchꞌe?, porke juriyoat y te joꞌone samariaon —xchi. Yuꞌun te juriyoetike ma spas ya sta sbaik ta kꞌop sok te samariaetike.

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

San Juan 8:48

Te juriyoetike jich a yalbeyik: —Ay rason te ya kaltik te pajalat sok te samariaetike, y te ay pukuj ta awoꞌtane —xchiik.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

1 Corintios 14:25

Jich ya xchiknaj te tut mukul ay ta yoꞌtane, y jich me ya skejan sba ta stojol Dios, y jich me ya snaꞌ te batsꞌi jich te ay ta awolilik te Diose.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.

Apocalipsis 4:10

Ta jujumel te beintikuatro ta jtul te mamalikixe ya skejan sbaik ta sit stukel, y ya yichꞌik ta mukꞌ. Ya spꞌejkan te skoronaik ta sit te ba ay te mukꞌul naktajibale, sok ya yalik:

Apocalipsis 5:14

Te chaneb te tutik kuxajtike ya sjakꞌik: “Jichuk”, xchiik. Y te beintikuatro ta jtul te lom mamalikixe la skejan sbaik y la yichꞌik ta mukꞌ.