San Lucas 16:24 - Nuevo Testamento Tzeltal de Amatenango

²⁴ Jich a lijk yawuntay: “Jtatik Abraham, kꞌuxutayaon. Tikombon tal te jLazaroe. Aꞌ yajtsꞌes tal ta jaꞌ te sba yal skꞌab yuꞌun ya xtal sikutesbon a te kakꞌe. Porke ben ayon ta wokol liꞌ ba kꞌajkꞌe”, xchi.

Bible in Tzeltal Bachajón

²⁴ Ha yu'un hich la yawtay: Jtat Abraham, c'uxultayawon, ticombon tal te Lázaro, ac'a yahts'es tal sni'il yal sc'ab ta ha' yu'un ya sicubtesbon cac' a, yu'un bayel yacon ta wocol ta c'ahc' li'i, xchi ta aw.

Bible in Tzeltal de Oxchuc y Tenejapa

²⁴ Jich jajch' yawtay: “Tatic Abraham, c'uxtayawon. Ticunbon tel te Lázaroe. Ac'a yajch'es tel jch'ixuc sni'il sbic'tal sc'ab ta ja', yu'un ya xtal sictesbon cac' a. Melel bayal ayon ta woclajel ta c'ajc' li'to”, xi' ta aw.

San Lucas 16:24 ပူးပေါင်းရင်းမြစ်များ

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Mateo 3:9

Jamal ya kalbeyex te ya xjuꞌ yuꞌun te Diose ya sujtes ta stsꞌumbal jꞌAbraham te tonetik to.

San Mateo 5:22

Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

San Lucas 16:30

“Te jkꞌuleje la sjakꞌ: “Ma teyuk a, jtatik Abraham. Yan te ayuk jtul anima te ya xchaꞌkux sok te ya xba albek yuꞌune, jich me ya sujtes yoꞌtanik yuꞌun te smulike”, xchi.

San Lucas 19:9

Te Jesuse la yal: —Te ora to julix kolel liꞌ ba na to, porke te winik to jaꞌ stsꞌumbal euk te jꞌAbrahame.

San Lucas 3:8

A me chiknajuk ta ilel ta awaꞌtelik te tutꞌil sujtemix awoꞌtanik yuꞌun te amulike. Ma me xꞌawalik: “Te joꞌotike stsꞌumbalotik Abraham”, ma me xchanik. Yuꞌun jamal ya kalbeyex te ya xjuꞌ yuꞌun te Diose te ya sujtes ta stsꞌumbal jꞌAbraham te tonetik to.

San Juan 4:10

Te Jesuse la sjakꞌbe: —Te yauk anaꞌ te tut ya yakꞌ te Diose sok te yauk anaꞌbon jba, joꞌon te ya jkꞌanbeyat jaꞌe, jaꞌat me ya akꞌanbon jaꞌ te jichuke. Jich me ya kaꞌbeyat te kuxul jaꞌ stukele —xchi.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 7:37

Jaꞌ ben tulan skꞌoplal yuꞌunik te último kꞌaal yuꞌun te kꞌine. Te kꞌaal abi, te Jesuse tekꞌa jajchel, y tulan a kꞌopoj. Jich a yal: —Teme ay machꞌa takin yoꞌtane, a me taluk ta jtojol, a me tal yuchꞌ te jaꞌe.

Romanos 4:12

Y te jꞌAbrahame jaꞌ tatil yuꞌun euk te machꞌatik yichꞌoj sirkunsisione teme jich ya xchꞌuunik Dios tutꞌil la xchꞌuun Dios te jꞌAbrahame te kꞌalal ma to yichꞌojuk a te sirkunsisione.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

Santiago 2:13

Yuꞌun te machꞌatik te maꞌyuk slekil yoꞌtan yuꞌun te yanetike, jich me maꞌyuk slekil-oꞌtanil yuꞌun Dios ya xꞌichꞌot jkuenta euk. Yan te machꞌatik ay slekil yoꞌtane, lek me ya xlaj lokꞌ kꞌoel te tut ora ya xꞌichꞌot jkuentae.

Santiago 3:6

Y te kakꞌtike jachik tutꞌ jun kꞌajkꞌ. Bayal te tut ma lekuk te ya sjajchese. Ya yakꞌ ta mulil koꞌtantik sok jtiꞌbalultik. Jaꞌ yichꞌojbe skꞌajkꞌal te tilem tal ta infiernoe, y jaꞌ ya stilesot yuꞌun spisil te jkuxlejaltike.

Apocalipsis 19:20

Te chanbalam te xiꞌbentik sbae la yichꞌ tsakel, jun nax sok te palso alwanejetik te la yakꞌik ta ilel seña milagroetik ta stojole. Ta skuenta te señailetik abi, te palso jꞌalwanejetik juꞌ yuꞌun sloꞌlayel te machꞌatik la skꞌan a yichꞌbeyik te smarka te chanbalam te xiꞌbentik sbae y te la yichꞌbeyik ta mukꞌ te slokꞌole. Jich te chanbalam te xiꞌbentik sbae y sok te palso alwanejetike kuxul a chꞌojtalanot ochel ta kꞌajkꞌ te yipal ta tilel sok asufree.

Apocalipsis 20:15

Y teꞌ chꞌojtalanot ochel a te machꞌatik ma tsꞌibalanbiluk sbiilik te ba libro yuꞌun kuxlejale.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,