San Lucas 16:23 - Nuevo Testamento Tzeltal de Amatenango

²³ Te kꞌalal ayix ta wokol a te jkꞌulej winik te ba ya xbajt te animaetike, la stoy sit. La yil ta jakal te jꞌAbrahame te sjoyinej sba sok te jLazaroe.

Bible in Tzeltal Bachajón

²³ Ta stsobojibal mach'atic chamenic, te banti ay ta wocol, la shach sit, la yil namal ay te Abraham soc te ay ta sts'el te Lázaro.

Bible in Tzeltal de Oxchuc y Tenejapa

²³ Te c'alal ayix ta woclajel ta bay stsobjibal animaetic te jc'ulej winique, la stoy sit. La yil te c'ubul ay te Abrahame soc la yil te sjoinej tey a te Lázaro ta bay te yawile.

San Lucas 16:23 ပူးပေါင်းရင်းမြစ်များ

San Mateo 11:23

Y jaꞌat jtejklum Capernaum, akuyojik te aꞌbilex ta jkuenta ya kꞌoex ta chꞌulchane. Jaꞌ tsꞌin to ya me awichꞌik chꞌojel ochel kꞌalal ta infierno. Te teꞌuk la yichꞌ pasel a te milagroetike te ba ay jtejklum Sodomae jich tutꞌil te la yichꞌ pasel ta awolilike, chikan to ta balmilal ta ora to te jichuke.

San Mateo 18:9

Sok teme jaꞌ ya syalesat ta mulil te jpꞌej asite, lokꞌesa sok chꞌoja bael. Yuꞌun jaꞌ lek te yauk xꞌochat ta kuxlejal manchuk me yal jpꞌej te asite. Ja ma lek teme xchebal asit te ya xchꞌojelat ochel ta kꞌakꞌ yuꞌun te kastigoe.

San Mateo 23:33

“Jaꞌ pajalex sok chanetik te stsꞌumbal te jtiꞌawal chane. ¿Tutꞌil kꞌan kolanik te ba kastigoe?

San Mateo 5:22

Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

San Mateo 5:29

“Jich yuꞌun teme jaꞌ ya syalesat ta mulil te sbatsil asite, lokꞌesa, chꞌoja bael. Jaꞌ lek te ya xchꞌay pꞌejuk asite. Ja ma lek teme skojtol atiꞌbalul te ya xchꞌojat ochel ta kꞌakꞌ te ma xtupꞌ sbajtel kꞌinale.

San Mateo 8:29

Lijk awunikuk te winketike, jicha yalik: —Jesus, ¿tuꞌun te tal awochintayotike?, jaꞌat te Xnichꞌanat Diose. ¿Me yuꞌun tal awilbajinotik te ma to sta skꞌaalele? —xchiik ta aw.

San Lucas 16:24

Jich a lijk yawuntay: “Jtatik Abraham, kꞌuxutayaon. Tikombon tal te jLazaroe. Aꞌ yajtsꞌes tal ta jaꞌ te sba yal skꞌab yuꞌun ya xtal sikutesbon a te kakꞌe. Porke ben ayon ta wokol liꞌ ba kꞌajkꞌe”, xchi.

San Lucas 16:28

Yuꞌun ay to joꞌtul kijtsꞌinab teꞌa. Aꞌ ba skꞌoponbon yuꞌun makꞌ xlaj talix a liꞌ ba ay kastigoe”, xchi.

San Lucas 8:28

Te kꞌalal la yil te Jesuse la skejan sba ta sit, y lijk awunuk: —Jesus, ¿tuꞌun te tal awochintayone? Jaꞌat te Xnichꞌanat te Chꞌul Dios te ay ta chꞌulchane. Awokoluk ma me xꞌawilbajinon —xchi ta aw.

1 Corintios 15:55

Te jaꞌat lajel, ¿ba kꞌan juꞌuk xan awuꞌun a? Te jaꞌat mukenal, ¿tutꞌ kꞌan atsalon xan a?” xchi me.

2 Pedro 2:4

Dios maꞌ spasbe perdon te angeletik te mulawike, sino ke chꞌojtalanot ochel ta kastigo. Teꞌ la yakꞌtalan jilel ta ijkꞌal kꞌinal, chukajtik ta kadena y kꞌejtalanbil jilel yuꞌun te tut ora ya sta skꞌaalel te chapele.

Apocalipsis 20:10

Y te pukuje, te loꞌlaylanbil yuꞌune, chꞌojot ochel te ba yipal ta tilel kꞌajkꞌ sok asufree, teꞌ ba chꞌojtalanbil ochel euk te chanbalam te xiꞌbentik sbae y sok te palso jꞌalwanejetike. Teꞌ me ya yilik swokolik a kꞌajkꞌal ajkꞌubal ta sbajtel kꞌinal.