San Lucas 16:19 - Nuevo Testamento Tzeltal de Amatenango

¹⁹ “Ay jtul jkꞌulej winik te kꞌayem ta slapel ben tsaꞌam tsajal pino pakꞌ sok ben tsaꞌam sakil pakꞌ, y te jujun kꞌaale ya spas kꞌin sok ben lek weꞌelil.

Bible in Tzeltal Bachajón

¹⁹ Ay jtuhl jc'uhlej winic te ya slap chi'in yaxal pac' soc fino-pac', soc jujun c'ahc'al ya spas q'uin.

Bible in Tzeltal de Oxchuc y Tenejapa

¹⁹ “Ay jtul jc'ulej-winic te c'aem ta slapel buen t'ujbil tsaj'aman pac', soc t'ujbil lino-pac' soc jujun c'aal ya spas q'uin, soc buen bujts'an nax swe'el te jujun c'aale.

San Lucas 16:19 ပူးပေါင်းရင်းမြစ်များ

San Marcos 15:17

La slapbeyik tsajal kꞌuꞌul sok ta yaꞌbey skoronain xotbil chꞌix ta sjol.

San Marcos 15:20

Kꞌalal laj yoꞌtanik ta yikꞌtinel te Jesuse, la slokꞌesbeyik te tsajal kꞌuꞌile, sok la xchaꞌlapbeyik xan te xkamixe. La yikꞌik lokꞌel tsꞌin sok ba smilik ta krus.

San Lucas 15:13

“Cheꞌoxeꞌ kꞌaal ta patil te ijtsꞌinale la xchon spisil te smajtan a aꞌbote, y te stojole jakal a bajt sok ta yan luwar. Teꞌ kꞌo slajin spisil a, chikan te tuti skꞌan yoꞌtan a slajin ae.

San Lucas 16:1

Te Jesuse jich a yalbe xan te jnopojeletik yuꞌune: —Ay jtul jkꞌulej winik te ay jtul yaj-kanane. Te yane ba yalbe smul te jkanane te yipal ta slajimbeyel stutik yuꞌun te yajwale.

San Lucas 16:18

“Teme ay jtul winik te ya xchꞌoj sba sok yiname, teme ya sle yan te ya xnujpun sok xane, yipalix ta antsiwejel abi. Jich euk te ants te chꞌojbil. Teme ya xnujpun sok yan winike, yipalix ta kremiwejel abi.

San Lucas 16:20

Sok ay jtul meꞌbaꞌ winik te jLazaro sbiile te skojtol stiꞌbalul kꞌaꞌemik te yejchꞌene. Ya snajkan sba ta lum te ba spuerta te jkꞌuleje,

Apocalipsis 17:4

Te ants abi slapoj skꞌuꞌ-spakꞌ tsaj-tsajtik te sbonole, y lek xchapoj sba ta oro sok ta ben tsaꞌamik ton sok ta perlaetik. Yichꞌoj ta skꞌab te jun baso pasbil ta oro te nojel a te tutik pꞌajtalanbile y sok smul ta kremiwejele.

Apocalipsis 18:16

Jich ya yalik: —¡Ay, oꞌol me sba te mukꞌul jtejklume! Jachik tutꞌil jtul ants te slapoj skꞌuꞌ-spakꞌ te lino pakꞌ te ben finoe y slapoj skꞌuꞌ-spakꞌ te tsaj-tsajtik skolorile, sok xchapoj sba ta oro, perlaetik, y ben tsaꞌamik ton,

Apocalipsis 18:7

Aꞌ yichꞌ tulan wokol y yoꞌolil sba jich tutꞌil te la stoy sbae y te tutiꞌ skꞌupin stiꞌbalule. Yuꞌun la yal ta yoꞌtan: “Liꞌ ayon to, nakalon jich tutꞌil me mukꞌul rey. Ma biuda antsukon, ni makꞌ me kil wokol”, xchi.