San Lucas 16:16 - Nuevo Testamento Tzeltal de Amatenango

¹⁶ Te mantaliletik yuꞌun te Moisese sok te tuti yalik jilel te jꞌalwanejetik yuꞌun te Diose, jaꞌ nax a spꞌijutesotik stukel jaꞌto te kꞌalal tal te Juane. Jicha lijk ta alel te lek achꞌ kꞌop te tutꞌil ay ta ajwalinel te Diose, y spisil genteetik ya stenten sbaik ochel teꞌa.

Bible in Tzeltal Bachajón

¹⁶ Te Ley soc te Jalwanejetic la yich'ic halbeyel sc'oblal ha to c'alal ta Juan. Ta hich ora hahch ta yalel te lec yach'il c'op yu'un te cuentahinel yu'un Dios, soc spisilic yac yac'belic fuersa ta ochel tey a.

Bible in Tzeltal de Oxchuc y Tenejapa

¹⁶ “Te mandalil soc te bila la yalic jilel te j'alwanejetique, ay ta ch'uunel ja' to c'alal tal te Juane. Tey jajch' ta cholel a te lec yach'il c'op te bit'il ay ta ajwalinel te Diose. Spisil ants-winiquetic ya sten sbaic ochel tey a.

San Lucas 16:16 ပူးပေါင်းရင်းမြစ်များ

San Mateo 10:7

Baanik, alaik bael: “Nopol ya xlijkix ta mantal te jTatik Diose”, xchaex me.

San Mateo 15:11

Te tut ya xꞌoch ta stiꞌ te winike ma jaꞌuk ma tsaꞌamuk ya xkꞌot ta stojol Dios yuꞌun. Jaꞌ ma tsaꞌamuk ya xkꞌoex ta stojol Dios yuꞌun te tut ya xlokꞌ ta atiꞌike —xchi te Jesuse.

San Mateo 21:32

Jich te Juan Akꞌichꞌjaꞌe tal snojpesex tut a te tsaꞌam ta pasele, pero ma la achꞌuunik te tuti yalbeyexe. Yan te jkꞌan-tojemaletike sok te jmulawil-antstike la xchꞌuunik stukelik. Yan te jaꞌexe manchuk me la awilik te jich yipal kꞌoel ta pasele ma la asujtes awoꞌtanik te yauk achꞌuunike.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Mateo 4:17

Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

San Marcos 1:14

Te tut ora otsesot ta prexo te Juane, te Jesuse bajt ta Galilea. Tey kꞌo yalbey a spisil genteetik te lekil kꞌop yuꞌun te Diose.

San Marcos 1:45

Jich a bajt tsꞌin te winike, y ora lijk yalbe spisil genteetik te tutik a kꞌot ta pasele. Jich yuꞌun te Jesuse ma spasix te ya yakꞌ sba ta ilel te ya xꞌoch bael ta ni junuk jtejklum. Teꞌ xanix a been te ba maꞌyuk gentee, pero ta bayuk nax a tal ilek yuꞌun te genteetike.

San Lucas 10:11

“Te stsꞌubil lumil te alumalik te ay ta koktike ya jkustik jilel yuꞌun seña te ma joꞌukotik ta jkuentatik te ma xꞌachꞌuunike. Pero naꞌbeyaik me sluwar te nopol ya xlijkix ta mantal te Kajwaltik Diose”, ya me awutik.

San Lucas 10:9

Lekutesbeya xchamelik te jayeb ayik ta chamel teꞌ ae. Y jich me xꞌawalbeyik: “Nopol ya xlijkix ta mantal te Kajwaltik Dios te ba ayexe —xchaex me.

San Lucas 16:29

“Te jꞌAbrahame la yalbe: “Yichꞌojbeyikix te sjun Moisese sok euk te sjun jꞌalwanejetik yuꞌun te Diose. Jaꞌ me aꞌ yakꞌik ta jkuenta te tut ya yalike”, xchi.

San Lucas 16:31

“Pero te jꞌAbrahame la yalbe: “Teme ma skꞌan yakꞌ ta jkuenta te tut ya yal te jMoisese sok te jꞌalwanejetik yuꞌun te Diose, ni ma jaꞌuk ya xchꞌuunik a, manchuk me ay anima ya xchaꞌkux tal”, xchi te jꞌAbrahame —xchi ta yalel te Jesuse.

San Lucas 9:2

La stikonlan bael ta yalel te tutꞌil ay ta ajwalinel te Jtatik Diose, sok ta slekutesel jchameletik.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.

San Juan 11:48

Teme jich nax a jilestike, spisil ya xba xchꞌuunik. Y te juꞌeletik yuꞌun te romaetike ya me xtal sjimbotik te templo kuꞌuntike sok te jlumaltike —xchiik.

San Juan 12:19

Pero te fariseoetike lijk yalbe sbaik: —Ila awilik, ma xjuꞌix kuꞌuntik skomel. Yuꞌun spisil a bajtikix sok te Jesuse —xchiik.

San Juan 5:4

porke ay jtul chꞌul ángel ya xkoj tal sok ya stijulan jilel te jaꞌ te ba ay te estankee. Y te machꞌa primero ya xꞌoch te kꞌalal ya xtal tijek jilel te jaꞌe, ya xlekub jilel tutikuk chamelil te yichꞌoje.

Hechos 3:18

Pero jaꞌ a spas kumplir te tut yaloj te Dios ta skuenta spisil te jꞌalwanejetik yuꞌune, te puersa ya xkꞌax swokol te Cristo yuꞌune.